
Li Wanê banga xwedî derketina demokrasiyê hate kirin 

2022-05-08 14:28:40


	&nbsp;

	WAN - Platforma Ked û Demokrasiyê ya Wanê û OHD’ê ku êrişa li ser HDP’ê weke darbeya li demokrasî û li siyaseta demokratîk û xerabiya li gelên Tirkiyeyê hatiye kirin penase kirin, bang li hemû beşên civakê kirin ku xwedî li aştî, demokrasî û mafên mirovan derkevin.&nbsp;

	&nbsp;

	Platforma Ked û Demokrasiyê ya Wanê û Komeleya Hiqûqnasên Ji Bo Azadiyê (OHD) hewldana provokasyonê ya polîsan a li dijî Navenda Giştî ya Partiya Demokratîk a Gelan (HDP) û gefên li Berdevka Meclîsa Jinan a HDP’ê Ayşe Acar Başarabn hatibûn kirin bi daxuyaniyeke nivîskî ya hevpar şermezar kirin. Platform û OHD’ê di daxuyaniyê de diyar kir ku hiqûq, demokrasî û mafên mirovan ên ji bo çareseriya pirsgirêkên civakî û siyasal ên li welat pêwîstin tune hatine hesibandin.&nbsp;

	&nbsp;

	Di daxuyaniyê de hate diyar kirin ku êrişên ku demekî dirêje li ser HDP’ê tên kirin bi hewldana provokasyoneke mezin a 2’yê Gulanê de derketiye asteke din û ev tişt hatin gotin: “Malbatên li Amedê nobetê digirin bi polîsan re hatine ber deriyê Navenda Giştî ya HDP’ê û xwestin çelenk danîn ber deriyê wê. Piştî danîna çelenkê polîsan avahî dorpêç kirin û hewldan provokasyonekê bikin. Tevî provokasyonê jî endamên HDP’ê, parêzerên wê û rêveberên wê yên bi hestiyarî tevgeriyan hatin binçavkirin û rastî êrişê hatin. Berdevka Meclîsa Jinan a HDP’ê û parlamentera HDP’ê ya Êlihê rastî gefa polîsekî hat.” Di daxuyaniyê de hate xwestin ku derbarê polîsê gef li Başaran xwarin û hêzên tarî yên pişt wî de lêpirsîna edlî û îdarî were destpêkirin.&nbsp;

	&nbsp;

	BANG LI HEMÛ BEŞÊN CIVAKÊ KIRIN

	&nbsp;

	Di daxuyaniyê de hate gotin ku gefa ku polîsan xwariye li kesekî an partiyekî nehatiye kirin li dijî vîna gelên Tirkiyeyê hatiye kirin û wiha hat gotin: “Divê rêveberên Tirkiyeyê hurmetê nîşanî mafên bingehîn ên mirovan û nirxên demokratîk ên bi Destûra Bingehîn re hatine ewlekirin bidin, erkên xwe yên destûra bingehîn bi cih bînin û mafê rêxistinbûyîna siyasî ku yek ji pîvanên bingehîn ên mafên mirovan û azadiyan e, asteng nekin. Ji bo vê jî em zexta darazê ya li ser endam, rêveber û xebatkarên wê, her wiha hewldan, gef û êrîşên fizîkî yên qeyûman weke darbeya li dijî demokrasî û siyaseta demokratîk û xirabiyeke ku li gelên Tirkiyê hatiye kirin dibînin. Weke Hêzên Ked û Demokrasiyê yên Wanê, em van êrîş û gefên li dijî HDP’ê û wekîla gel hatine kirin qebûl nakin û bang li hemû beşên civakî dikin ku xwedî li aştî, demokrasî û mafên mirovan derkevin.”

	&nbsp;

	DAXUYANIYA HEVPAR

	&nbsp;

	Di daxuyaniya hevpar de navê saziyên ku îmzeya wan hene wiha ne; “Baroya Wanê, Şaxa OHD’ê ya Wanê, Şaxa Egîtîm Sen’a Wanê, ÇEVDER, Şaxa SES'ê ya Wanê, Şaxa Yapi Yol’ê ya Wanê, Şaxa TUMBEL-SEN a Wanê, Şaxa TARIM ORKAN a Wanê, Şaxa BES’a Wanê, Şaxa HABER SEN’ê ya Wanê, Nûnertiya Wanê ya BTS’ê, Nûnertiya Wanê ya DÎVES'ê, Nûnertiya ESM'ê ya Wanê, Nûnertiya Sendîkaya Çand û Hunerê ya Wanê, Komeleya Jinan a Star, Şaxa Komeleya Mafê Mirovan a Wanê, Lijneya Koordînasyona TMMOB'ê ya Wanê, Odeya Tabîban a Colemêrgê û Wanê, Tevgera Jinên Azad, Nûnertiya TİHV'a Wanê, Şaxa DÎSK-Emeklî Senê ya Wanê, Komeleya Lêkolînê ya Koçê ya Serhatê, Şaxa DÎSK Genel Îş’ê Wanê, Meclîsa Jinan a KESK'ê ya Wanê, Odeya Ajokar û Otomobîlvanan a Wanê, Kooperatîfa Nakliyatê ya Navenda Bajêr a Wanê, Komeleya Otobusên Gel, Rêxistina EMEP a Wanê, Platforma Jinan a Wanê, Rêxistinên HDP’ê yên Bajar û Navçeyan, Rêxistinên DBP'ê yên Bajar û Navçeyan, Komeleya Lêkolîna Ziman a Arsîsa, MEBYA DER, TUHAY-DER, BASK-DER, Komeleya Huner û Çandê ya Aryen, Komeleya Baweriyên Olî”

	&nbsp;

	&nbsp;