
Malbata Şenyaşar wê ji bo cejnê serdanan qebûl bike

2022-05-04 12:48:52


	RIHA - Malbata Şenyaşar ku 422 roj in çalakiya xwe ya Nobeta Edaletê bênavber didomîne, wê li mala xwe ya li navçeya Pirsûsê ji bo cejnê serdanan qebûl bike.&nbsp;

	Çalakiya Nobeta Edaletê ya Malbata Şenyaşar a li pêş Edliyeya Rihayê di roja 422’yemîn de berdewam dike. Emîne Şenyaşar û kurê wê Ferît Şenyaşar ên rojên Cejna Remezanê yên yekemîn û duyemîn li pêş Edliyeya Rihayê nobeta xwe domandin, wê îro çalakiyên xwe li mala xwe ya Pirsûsê bidomînin. Tê payîn ku nûnerên rêxistinên girseya demokratîk ên li navçeya Pirsûsê û welatî wê ji bo cejnê serdana malbatê bikin.&nbsp;

	&nbsp;

	‘JI BO HERKESÊ EDALET’

	&nbsp;

	Malbatê li ser hesaba xwe ya medyaya dîjîtal ev peyam parve kir: “Di dîroka welat de bêedaletiya herî mezin li Rihayê tê jiyîn. Roja ku dayikê (Emîne Şenyaşar) destmala ku hêsirên çavê xwe pê paqij dike li ber edliyeyê hişt û çû mala xwe, em dikarin bêjin ku li Tirkiyeyê edalet heye.”

	&nbsp;

	&nbsp;

	&nbsp;