Akademisyenên Aştiyê: Em ê weke duh aştiyê biparêzin

2022-04-29 16:11:11


	AMED - Akademisyenên Aştiye di salvegera îxrackirinê de diyar kirin ku xwesteka aştiyê erka civakî û wîjdanî ye û gotin: “Em ê li her cihî û di pêşerojê de jî weke duh aştiyê biparêzin.” 

	Sendîkaya Kedkarên Perwerde û Zanistê (Egîtîm Sen) ya Jimara 1’an a Şaxa Amedê derbara salvegera 5'emîn a îxrackirina Akademisyenên Aştiyê de li avahiya xwe ya li Semta Ofîsa Amedê daxuyanî da. Di daxuyaniyê de Akademisyenên Aştiye amade bûn û pankarta “Em di daxwazên xwe de israr dikin, em ê nebin şirîkî vî sûcî” hat daliqandin. 

	 

	XWESTIN ŞER BI DAWÎ BIBE 

	 

	Akademîsyenê Aştiyê Prof. Dr. Fîkret Uyar ê ku hatibû îxrackirin metna daxuyaniyê xwend. Uyar anî ziman ku li heremê dema sepanên OHAL’ê dihat meşandin li her qadên jiyanê rûxandin hat kirin û wan nikaribû çavê xwe li hemberî vê bigira. Uyar bi bîr xist ku 2 hezar û 212 akademîsyenên zanîngehan xwestin ku şer bi dawî bibe û rêya diyalogê were vekirin, ji bo nebin şirîkê sûcê şer danezanek hat belavkirin.

	 

	Uyar destnîşan kir ku pîştî hewldana darbeyê bi KHK’yên OHAL’ê bi hezaran kes hatin îxrackirin û di nav wan de 500 jî akademisyenên aştiyê bi awayek bêhiquqî hatin îxrackirin. 

	 

	Uyar daxwazên akademîsyenan jî wiha rêz kir: 

	 

	“* Divê avahî û fonksîyona komîsyonê were pirsîn, ji ber ku têgihiştina ku pîvanên Komîsyonê ne qanûnî ne, bi biryarên ku ji aliyê komîsyona Rewşa Awarte ve hatine girtin re kêfî ne.

	 

	* Divê Komîsyona Rewşa Awarte bi temamî bê rakirin û kesên xwedî biryarnameyên qanûnî demildest vegerin ser karên xwe.

	 

	* Ji bo vegerandina hemû personel, mafên civakî û aborî yên ku hatine vegerandin û dema dûrxistina ji karûbarê medenî, divê daxistina kana teqawidbûnê ji Saziya Ewlehiya Civakî re bê dayîn.

	 

	* Qedexeya pasaportan ji bo kesên xwedî qanûn û xizmên wan berdewam dike. Tevî ku bi hezaran zanyar ji zanîngehên derve re tên vexwendin jî ji ber qedexeyê nikarin biçin.

	 

	* Xwendekarên bi biryarnameyên qanûnî nikarin xwendina xwe li derve bidomînin ji ber ku pasaporta wan hatiye betalkirin.

	 

	* Divê demildest astengiyên li pêşiya mafê perwerdehiyê bên rakirin.

	 

	* Gotarên gelek akademîsyenan ji kovar an pirtûkên zanistî têne weşandin. Pêdivî ye ku ev serîlêdan were rakirin.

	 

	* Weke rêbazeke nû ya cezakirinê (bi binpêkirina prensîba kesayetiya bersûc) rewşa xizmên kesên ku di bin biryarnameyên qanûnî de ne ji ber lêpirsînên ewlehiyê nayên xebitandin were rawestandin.

	 

	* Biryarnameyên qanûnî her çiqas heq dikin jî nikarin xanenişîn bibin, an jî heke teqawît bibin jî nikarin bonusa teqawîtbûnê bistînin. Divê demildest dev ji vê qanûn û pêkanînên dijmirovî berdin.”

	 

	PARASTINA AŞTIYÊ 

	 

	Uyar herî dawî anî ziman ku daxwaza wan a aştiyê erka civakî û mirovî û wîjdanî ye û got: “Em ê di her platformê de, li her cihî û di pêşerojê de jî weke duh aştiyê biparêzin û rave bikin.”