
AYM’ê girtina Leyla Guven derhiqûqî dît

2022-04-09 13:57:43


	AMED - Hevseroka KCD’ê Leyla Guven tevî ku parlamenter bû jî hatibû girtin. Dadgeha Qanûna Bingehîn biryar da û got ku girtina Guven derhiqûqî ye.&nbsp;

	Parlamentera Partiya Demokratîk a Gelan (HDP) Leyla Guven bi hinceta ku di dema êrişa Tirkiyeyê ya li dijî Efrînê de li ser medyaya civakî peyam parve kirine, hatibû girtin. Guven, di hilbijartina 24’ê hezîrana 2018’an de bûbû parlamenter û parêzbendiya wê çêbûbû lê tevî vê yekê jî nehatibû berdan. Dadgeha Qanûna Bingehîn biryar da û got ku neberdana Guven, derhiqûqî ye.

	&nbsp;

	Piştî ku Guven weke parlamenter hatî hilbijartin biryara berdanê hatibû dayîn lê belê Serdozgeriya Komarê ya Amedê îtîraz kiribû û hêj kar û barên berdanê pêk nehatibûn ku derheqê Guven de biryara girtinê derxistibû. Guven piştre jî hatibû girtin. Dadgeha Qanûna Bingehîn ev yek weke binpêkirina hiqûqê pênase kir û got: “Mafê azadiyê û ewlekariyê yê Guven hatiye binpêkirin.”

	&nbsp;

	Biryara ku di çarçoveya xala 19’emîn a Qanûna Bingehîn de hatiye dayîn, di rûpela Dadgeha Qanûna Bingehîn de hate weşandin.&nbsp;

	&nbsp;