
Nobeda Edaletê ya Wanê di roja 112’emîn de ye 

2022-04-08 16:29:59


	&nbsp;

	WNA - Muteber Îşnaz a dayika girtiyê nexweş Nîhat Îşnaz diyar kir ku bêyî agahiya wan kurê wê emeliyat kirine û bertek nîşanî xemsara rayedaran da.&nbsp;

	&nbsp;

	Nobeda Edaletê ya malbatên girtiyên nexweş û girtiyên berdana wan hatiye taloqkirin ku li Baroya Wanê dabûn destpêkirin, di roja 112’emîn de berdewam kir. Îro ji malbatên girtiyan Behîce Sabay û Mutebet Îşnaz nobedê girtin. Rêveberên Rêxistina HDP’ê ya Navçeya Elbakê serdana nobedê kirin.&nbsp;

	&nbsp;

	Hevseroka HDP’a Elbakê Şengul Polat anî ziman ku li gel girtiyên nexweş li ber mirinê ne jî nayên berdan û got di girtîgehê de jî eziyet li girtiyan tê kirin. Polat got ev jî cihêkariya polîtîkaya dewletê ya li hember girtiyan e.&nbsp;

	&nbsp;

	BÊXEBERA MALBATÊ WÎ EMELIYAT KIRIN&nbsp;

	&nbsp;

	Mutebet Îşnaz a dayika girtiyê nexweş Nîhat Îşnaz ê li Girtîgeha Wanê tê ragirtin diyar kir ku kurê xebatkarê paqijiyê yê şaredariyê bûye û bêlesebep hatiye girtin û li girtîgehan mafên bingehîn ên girtiyan tê binpêkirin. Îşnaz anî ziman ku kurê wê bêyî agahiya wan emeliyat kiriye û heke tiştek bi kurê wê bibûya dê kî hesab bida. Îşnaz got ev ne edalet e. Îşnaz xwest tavilê kêşeyên li girtîgehan bên çareserkirin û girtiyên nexweş bên berdan.&nbsp;

	&nbsp;