
Li gelek navendan pîrozbahiyên 4'ê Nîsanê: Divê Ocalan azad bibe 

2022-04-04 16:28:47


	&nbsp;

	NAVENDA NÛÇEYAN - Roja rojbûna Rêberê PKK'ê Abdullah Ocalan li gelek navendan hat pîrozkirin. Di pîrozkirinan de azadiya Ocalan hat xwestin.&nbsp;

	&nbsp;

	Roja rojbûna Rêberê PKK'ê Abdullah Ocalan li gelek navendan bi bernameyên cuda hat pîrozkirin. Di pîrozbahiyên ku dar hat danîn de azadiya Ocalan hat xwestin.&nbsp;

	&nbsp;

	STENBOL

	&nbsp;

	Tevgera Jinên Azad (TJA), Partiya Demokratîk a Gelan (HDP) û Koordînasyona Jinên Ciwan, ji bo pîrozbahiya roja rojbûna Rêberê PKK'ê Abdullah Ocalan li gelek navçeyên Stenbolê mal bi mal geriyan û toxim belav kirin. Jin li navçeyên Kartal, Sultanbeylî, Gazîosmanpaşa, Esenyûrt û Bagcilarê hatin gelhev û paketên ku berê amade kiribûn li malan belav kirin.&nbsp;

	&nbsp;

	Jinên ku paketên toxim girtin jî li hewşên malên xwe danîn. Bernameya jinan eleqeyeke zêde dît. Jinan bi tilîlî û çepikan rojbûna Ocalan pîroz kir û daxwaza rojên azad kirin.&nbsp;

	&nbsp;

	ÎZMÎR

	&nbsp;

	Li ser banga Nûnertiya Herêma Egeyê ya DBP'ê li avahiya HDP'ê ya Îzmîrê rojbûna Ocalan hat pîrozkirin. Nûnerên TJA, HDP, Meclisa Dayikên Aştiyê, Komeleya Malbatên Girtî û Hikumxwaran a Egeyê (EGE TÛHAYDER), Komeleya Kesên ku Xizmê Xwe li Anatoliyayê Winda Kirine (ANYAKAYDER) û gelek welatî tevlî pîrozkirinê bûn. Ji bo Denîz Poyraz ku li avahiya HDP'ê ya Îzmîrê hatibû kuştin û hemû kesên ku di têkoşîna demokrasiyê de jiyana xwe ji dest dabûn rêz hatin girtin. Di bernameyê de azadiya Ocalan hat xwestin.&nbsp;

	&nbsp;

	Bername bi nîşandana sînevîzyona ku berxwedana gelê kurd têde dihat vegotin bi dawî bû.&nbsp;

	&nbsp;

	WAN&nbsp;

	&nbsp;

	Li Wanê jî TJA û Meclisa Jinan a HDP'ê 73'yemîn rojbûna Ocalan bi danîna daran pîroz kirin. Danîna daran li navçeya Artemêtan pêk hat. Dayikên Aştiyê, Komeleya Piştevanî û Alîkariyê ya Malbatên Girtî û Hikumxwaran (TÛHAY-DER) a Wanê, Komeleya Çand, Piştevanî, Alîkariyê ya Kesên ku li Dergûşa Şaristaniyê Jiyana xwe ji Dest Dane (MEBYA-DER), hevşaredarên ku qeyûm tayînî şûna wan hatin kirin û gelek welatî tevlî danînan daran bûn. Jinên ku erdê bi çepik û tilîliyan kolandin darên tîr, hinar, sêv, gilyaz û gûzan danîn.&nbsp;