
Qeyûm li Geverê erseyan derxist ber firotinê  

2022-04-04 10:10:39


	&nbsp;

	COLEMÊRG - Şaredariya Geverê ya di bin rêveberiya qeyûm de sê erdên cuda yên şaredariyê derxist ber firotinê.&nbsp;

	&nbsp;&nbsp;

	Şaredariya Navçeya Gevera Colemêrgê ya di bin rêveberiya qeyûm de ragihand ku li taxên Yenî, Gungor û Cumhuriyetê sê erdên aydê şaredariyê bi awayê îhaleya girtî derxistiye ber firotinê. Qeyûm bi ragihandina “lezgîn” van erdan derxist ber firotinê.

	&nbsp;

	Rêxistina Partiya Demokratîk a Gelan (HDP) a Navçeya Geverê têkildarî van erdan daxuyanî da û destnîşan kir ku deynê qeyûm bi giştî milyarek û 200 milyon lîreyê tirk heye.&nbsp;

	&nbsp;

	ERSE TÊN PÊŞKÊŞKIRIN&nbsp;

	&nbsp;

	Di daxuyaniyê de hat diyarkirin ku erseyên herî bi nirx ên navçeyê tê pêşkêşkirin û wiha hat gotin: “Em dest bidin destê hev du, yên çav berdane mal û milkê me, di hilbijartina ewil de wan bişînin û em soza vê yekê didin gelê xwe. Yên van erseyan wek rantê dibîne û ketine nava hewesa ku van hewldanên ku milkên &nbsp;şaredariyê bikin aydê şexsê xwe û xwediyên sermayê bila ji bîra nekin, di hilbijartina ewil de em ê dîsa şaredariya xwe paş ve bistînn û wan erseyan ji wan bistînin û bixin xizmeta gelê xwe. Em ê ji bo vê hemû karûbarên yasayî û hiqûqî pêk bînin. Bila gumana kesî ji vê nebe.”&nbsp;

	&nbsp;