
Tevgera Ekolojiyê ya Mezopotamyayê kampanyaya danîna daran da destpêkirin

2022-04-01 17:10:04


	AMED - Tevgera Ekolojiyê ya Mezopotamyayê, li dijî komkujiya xwezayî ku pêk tê ji bo tevahiya meha nîsanê kampanya danîna daran destpêkirin. &nbsp;&nbsp;&nbsp;

	Tevgera Ekolojiyê ya Mezopotamyayê, li dijî komkujiya xwezayî ji bo tevahiya meha nîsanê kampanya danîna daran da destpêkirin. Tevgerê, derbarê kampanyayê de daxuyaniyeke nivîskî da û banga piştgiriya kampanyayê kir. Di daxuyaniyê de xaka Mezopotamyayê weke "erdnîgariya mirin û hilweşandinê" hat pênasekirin û hat destnîşankirin ku xaka Mezopotamyayê ku rengên civakîbûnê yên destpêkê lê teşe girtine ji aliyê netew-dewletan ku amûra bîrdozî ya modernîteya kapîtalîst in ve veguherîne qadên şer.&nbsp;

	&nbsp;

	Di berdewama daxuyaniya tevgerê de bi kurtasî ev tişt hat gotin:

	&nbsp;

	"Di encama şerên ku dawî li wan nayê de gel hatine qirkirin, di serî de jin û zarok bi sed hezaran mirov di nav pergala destdirêjî û îşkenceya sîstematîk de hatin hiştin û li hemû qadên jiyanê hilweşandineke ku careke din nikare bê sererastkirin çêdibe. Li erdnîgariya Mezopotamyayê qiyamet çêdibe. Bi vê re; di encama hilweşandina ku şer diafirîne çavkaniyên avê tên tunekirin, daristan tên şewitandin û talankirin û bi milyonan hektar qadên çandiniyê tên jehrîkirin û dibe çol.

	&nbsp;

	KAMPANYA DANÎNA DARAN

	&nbsp;

	Li dijî vê rewşa xerab tevahiya meha nîsanê em kampanya danîna daran didine destpêkirin. Em bang li partiyên siyasî, rêxistinên sivîl, kedkar, jin, ciwan, zarokan, bi kurtasî hemû beşên civakê û raya giştî dikin. Li her dera ku em lê ne; li hewşên mal û didistan, şanêşîn, kuçe, gund, deşt û çiyayên xwe daran deynin û em we vedixwînin kampanya xwe."&nbsp;