
Hikûmeta Iraqê dê biryara xwe ya ji bo nefta Başûr pêk bîne 

2022-03-30 15:29:46


	NAVENDA NÛÇEYAN - Wezareta Neftê ya Iraqê ji bo ku biryara Dadgeha Bilind a Federal a derheqê nefta Herêma Federal a Kurdistanê de bi cih bîne, kete nava liv û tevgerê.&nbsp;

	Wezareta Neftê ya Iraqê têkildarî biryara Dadgeha Bilind a Federal a derheqê nefta Herêma Federal a Kurdistanê daxuyanî da. Di daxuyaniyê de hat destnîşankirin ku dê kargeheke ku navenda wê li Hewlêrê were avakirin û ev kargeh jî dê girêdayî hikûmeta navendî be. Hêjayî bibîrxistinê ye ku Dadgeha Bilind a Federal di 15’ê sibatê de biryar dabû û destnîşan kiribû ku Herêma Federal a Kurdistanê nikare bêyî agahiya hikûmeta navendî neftê bifiroşe û ev yek weke binpêkirina qanûnê diyar kiribû.&nbsp;

	&nbsp;

	Wezareta Neftê ya Iraqê jî ji bo pêkanîna vê biryarê kete nava hewldanan. Li gorî nivîsa ku Wezareta Neftê ya Iraqê di 24’ê adarê de ji Herêma Federal a Kurdistanê re şandî; wezaretê ji Herêma Federal a Kurdistanê xwest ku kopyaya hemû peymanên di sala 2014’an de hatine îmzekirin di nava 15 rojan de ji wan re bên şandin. Wezaretê xwest ku qeydên firotina neft û xazê û dahatên ji îxracatê hatine girtin, agahî bên dayîn.&nbsp;

	&nbsp;

	Wezaretê xwest ku kargeheke ku îxracata neft û xaza Herêma Federal a Kurdistanê birêve dibe bê avakirin. Di daxwazê de tê gotin ku ev kargeh dê ji hêla hikûmeta navendî ve bê birêvebirin û navê wê jî dê KROC be. Tê destnîşankirin ku navenda kargehê dê li Hewlêrê be.&nbsp;

	&nbsp;

	Serokwezîrê Herêma Federal a Kurdistanê Mesrûr Barzanî, di 28’ê adarê de ragihand ku rojê 500 hezar varêlên neftê îxrac dikin û di demekî nêz de dê li ser Tirkiyeyê xazê bifiroşin Ewropayê.&nbsp;

	&nbsp;

	Her wiha Serokwezîrê Iraqê Mûstafa Kazimî jî di 16’ê sibatê de diyar kiribû ku ji bo bicihanîna biryara Dadgeha Bilind a Federal û koordînekirina kargehên neftê yên Herêma Federal a Kurdistanê, Wezareta Neftê ya Iraqê peywirdar kiriye.&nbsp;

	&nbsp;