‘Heta ku edalet neyê em nahêlin ku hûn razin’ 

2022-03-28 16:32:07


	 

	ENQERE - Hewldana Edaletê ya Ji Bo Roboskê di 123’yemîn meha komkujiyê de daxuyanî da û wiha got: “Heta roja ku em edaletê bi dest bixin em di nav nivînên xwe de rehet ranazin û em nahêlin ku razin.”

	 

	Hewldana Edaletê ya Ji Bo Roboskê, di meha 123’yemîn a Komkujiya Roboskê de li pêş Komeleya Mafê Mirovan (ÎHD) a Enqereyê daxuyanî da çapemeniyê. Di daxuyaniyê de “Bila kujer bên dîtin, careke din Roboskê pêk neyê” hate vekirin. 

	 

	EDALET TUNE YE

	 

	Hevserokê Şaxa ÎHD’a Enqereyê Fatîn Kanat ê daxuyanî xwend, diyar kir ku ji roja komkujiyê ve li edaletê digerin û wiha got: “Hiqûq winda bûye, edalet tune ye, herkes bêdeng e. Kesên ji roja komkujiyê ve qetil dikin bi zirxê bêcezatiyê tên parastin. Ji komîsyona ku li Meclîsê hatibû avakirin jî tu encam derneketin û hemû endamên darazê kesên qetilkirin bê ceza hiştin.”

	 

	ROBOSKÊ EZMÛNA DESTHILATÊ YE

	 

	Kanat, bi lêv kir ku wê li dijî tundiya desthilat û dewletê li ser navê hemû komkujiya ji bo daxwaza edaletê wê hatina xwe ya gelhev bidomînin û wiha axivî: “Heta roja ku em edaletê bi dest bixin em di nav nivînên xwe de rehet ranazin û em nahêlin ku razin. Roboskê ezmûna dewlet û desthilatê ye. Rûreşiya li ser vê axê, birîneke xedar û lêgerîna edaletê ye.”