
Derbarê êrişkarê avahiya HDP’ê de doz hat vekirin  

2022-03-25 15:20:52


	&nbsp;

	STENBOL - Derbarê Muhammed Eren Sutçu yê êrişî avahiya HDP’a Bahçelîevlerê kiribû de ji sûcê “heqaret”, “hewldana birîndarkirina biçek” û “gefa biçek” doz hat vekirin.&nbsp;

	&nbsp;

	Muhammed Eren Sutçu di 28’ê kanûna 2021’an de bi çek û kêrê êrişî avahiya Rêxistina Partiya Demokratîk a Gelan (HDP) kiribû û di êrişê de Ramazan Dişari û Azîz Şîmşek ên endamên HDP’ê birîndar bûbûn. Rêveber û endamên HDP’ê hewla qetlîamek ku dê bihata kirin, asteng kirin. Êrişkar li ser astengkirinê ji avahiyê reviya û ket firinek nêzî avahiya HDP’ê. Piştî nîv saetî ji aliyê polîsan ve hatibû binçavkirin.&nbsp;

	&nbsp;

	Êrişkar Sutçu piştî kar û barên îfadeyan ji aliyê Dadgeha Çaglayana Stenbolê ve bi şertê hefsa malê hatibû berdan.&nbsp;

	&nbsp;

	LI SER ÎTÎRAZÊ HAT GIRTIN&nbsp;

	&nbsp;

	Li ser medya dîjîtal bertek hat nîşandan ku Sutçu hatiye berdan. Li ser vê yekê dozgeriyê îtîrazî berdana êrişkar kir û ji nû ve hat binçavkirin û pişt re hat girtin. Sutçu li Girtîgeha Metrîsê 3 meh in girtî ye. Lêpirsîna derbarê êrişkar de temam bû. Serdozgeriya Komarê ya Stenbolê derbarê êrişkar Sutçu de ji sûcên “heqaret”, “hewldana birîndarkirina biçek” û “gefa biçek” îdianame amade kir û şand 39’emîn Dadgeha Cezayê Asliye ya Stenbolê. Vê dadgehê biryara nerayeyê da û dosyeyê şand Dadgeha Cezayê Asliye ya Nobedar a Bakirkoyê.&nbsp;

	&nbsp;

	Di îdianameyê de hat xwest êrişkar ji sûcên ku kiriye were cezakirin. Di îdianameyê de hat diyarkirin ku derbarê Sutçu de ji sûcê “endamtiya rêxistina terora çekdar” biryara dozvenekirinê hatiye dayîn.&nbsp;

	&nbsp;

	&nbsp;

	&nbsp;