
Medya Çinar li ser gora xwe hat bibîranîn 

2022-03-24 14:52:00


	&nbsp;

	MÊRDÎN - Medya Çinar a di sala 2019’an de li girtîgehê dijî tecrîdkirina Rêberê PKK’ê Abdullah Ocalan dawî li jiyana xwe anîbû, li ser gora xwe hat bibîranîn.&nbsp;

	&nbsp;

	Medya Çinar li Girtîgeha Mêrdînê ya Tîpa E’yê di 25’ê Adara 2019’an de li dijî tecrîdkirina Rêberê PKK’ê Abdullah Ocalan dawî li jiyana xwe anîbû. Malbat û rêveberên HDP’ê û aktîvîstên TJA’yê Çinar li ser gora wê ya li gundê Margik a bi ser navçeya Qosera Mêrdînê ve bibîr anîn. Dayikên Aştiyê jî tevli bîran3inê bûn. Şandeya HDP’ê û jinan ji aliyê dayika Çinarê, Çaçan Çinar ve hat pêşwazîkirin. Li ser gorê deqîqeyek rêz hat girtin.&nbsp;

	&nbsp;

	Hevseroka HDP’a Qoserê Aysel Ayav di bîran3inê de axivî û got ew ê xwedî li têkoşîna Medya Çinar û hevalên wê derkevin û cangoriyên xwe bi rêzdarî bibîr tînin.&nbsp;

	&nbsp;

	Pişt re aktîvîsta TJA’yê Emîne Înan jî axivî û bal kişand ser têkoşîna jinên kurd û destnîşan kir ku ew ê li dijî tecrîdê têbikoşin û Medyayê û cangoriyên din ji bîr nekin.&nbsp;

	&nbsp;

	Bîranîn bi berzkirina dirûşma “Şehîd namirin” bi dawî bû.&nbsp;

	&nbsp;

	&nbsp;