
Di doza Efe Tektekîn de ji polîsê bersûc re ceza hat xwestin 

2022-03-24 13:30:58


	AMED - Derbarê polîsê ku bi maşîneya zirxî Efe Tektekîn kuştibû de di navbera 2 û 6 salan de cezayê hepsê hat xwestin. Danişîna biryarê taloqî 5 roj şûnde hat kirin.

	Li navçeya Rezana Amedê di 11’ê îlona 2019’an de Efe Tektekîn ê salî ku dixwest di cadeyê de derbasî hember bibe, polîs Îdrîs Aksoy wesayîta zirxî lê qelibandibû û ew kuştibû. Ji sûcê “Bûye sedemê mirina biqisûr” doz li polîs hatibû vekirin. Danişîna dozê li 9’emîn Dadgeha Cezayê Asliye ya Amedê hat lidarxistin. Polîsê bersûc ku berê hatibû girtin û pişt re hatibû berdan û parêzerên her dua liyan di danişînê de amade bûn.&nbsp;

	&nbsp;

	SAZIYA TIBA EDLÎ BERSÛC ‘QISÛRDARÊ TALIYÊ’ DÎT&nbsp;

	&nbsp;

	Li gorî gorî rapora pispor a derbarê bûyerê de hatibû amadekirin polîsê bersûc wek kesê “qisûra taliye” hat dîtin. Her wiha Saziya Tiba Edlî jî raporek amade kir û polîsê bersûc wek kesê “qisûra taliye” dît.&nbsp;

	&nbsp;

	Parêzeran di danişînê de îtîrazên xwe yên li hember rapora hatiye amadekirin pêşkêş kirin û li dosyeyê hatiye zêde kirin.&nbsp;

	&nbsp;

	BERSÛC ÎDIA DIKE KU BÊSÛC E

	&nbsp;

	Polîsê bersûc Îdrîs Akosy jî di danişînê de axivî û îdia kirku ew bêsûc e û xwest bê beraetkirin.

	&nbsp;

	Parêzerê bersûc jî xwest ku raporek nû derbarê bûyerê de bê amadekirin.&nbsp;

	&nbsp;

	Parêzerên malbata Tektekîn jî rapora Saziya Tiba Edlî ku bersûc wek “qisûrdarê taliye” nîşan daye rexne kirin û xwestin raporek nû bê amadekirin. Parêzeran xwest dîmenên wesayîtê ku girtiye jî li dosyeya dozê bê zêdekirin.&nbsp;

	&nbsp;

	Dozger bi hêceta ku daxwazên hatine kirin dê nûjeniyê li darizandinê neke û xwest biryara redkirinê bê dayîn. Serokê dadgehê jî delîlên heyî û raporên Saziya Tiba Edlî li ber çavan girt û daxwaza amadekirina raporek ji nû ve red kir.&nbsp;

	&nbsp;

	Dozger xwest bersûc ji sûcê “bûye dema mirina biqisûr” ji 2 salan heta 6 salan cezayê hepsê lê bê birîn.&nbsp;

	&nbsp;

	5 ROJÊN DIN DÊ BIRYAR WERE DAYÎN

	&nbsp;

	Parêzerên aliyan li dijî mutalaya dozger dem xwestin. Dadger daxwaza demê qebûl kir û danişînê taloqî 29’ê adarê kir.&nbsp;

	&nbsp;