
Bi hinceta 'pesindayîna sûc û sûcdar' avêtine ser Rêxistina HDP'ê ya Kartalê   

2022-03-23 18:15:36


	&nbsp;

	STENBOL – Polîsên avêtin ser avahiya Rêxistina HDP'ê ya Kartalê, dest danîn ser kovar û wêneyên li avahiyê û gel jî bi berzkirina dirûşmeya "HDP gel e, gel li vir e" êrişa polisan protesto kir.&nbsp;

	&nbsp;

	Îro danê nîvro polîsan avêt ser avahiya Rêxistina Partiya Demokratîk a Gelan (HDP) a Kartal a Stenbolê. Hat hînbûn ku polîsan di demeke ku hevserok û rêvebir ne li partiyê bûne avêtina ser avahiya partiyê. Her wiha hat hînbûn ku avêtina ser partiyê bi fermana Serdozgeriya Komarê ya Anadolûyê ya Stenbolê bi îdiaya "pesindayîna sûc û sûcdar" hatiye kirin.&nbsp;

	&nbsp;

	Di avêtina ser avahiyê de polîsan dest danîn ser wêneyên kesên di têkoşîna demokrasiyê de jiyana xwe ji dest dane û wêneyên Denîz Gezmîş, Îbrahîm Kaypakkaya û hejmarên kovara Demokratîk Modernite û Jineolojiyê

	&nbsp;

	Piştî polîsan avêt ser avahiya partiyê gelek partiyî û welatî berê xwe dan partiyê. Girseyê li ber avahiya partiyê êrişa polîsan bi berzkirina dirûşmeya "HDP gel e, gel li vir e" protesto kir.&nbsp;

	&nbsp;

	Lêgerîna li avahiya navçeyê bi dawî bû, lê hê jî polîs û wesayîtên wan ên zirxî li ber avahiya partiyê ne û girse jî li ber avahiyê ye. Tê payin ku Hevserokên HDP'a Stenbolê li avahiya partiyê daxuyaniyê bidin.&nbsp;