
Ji dehan partî û saziyên kurd bo Newrozê peyama hevpar 

2022-03-18 14:36:13


	NAVENDA NÛÇEYAN - Bi dehan partî, sazî û dezgehên kurd têkildarî Newroza 2022’yan daxuyaniyeke hevpar dan. Di daxuyaniyê de bal kişandin ser yekitiya neteweyî ya gelê kurd û wiha hat gotin: “Em Newroza hemû kurd û kurdistaniyan bi dilgermî pîroz dikin. Bi hêviya ku Newroz bibe wesîleya tifaqa navxweyî ya gelê kurd.”&nbsp;

	&nbsp;

	Bi dehan partiyên siyasî, sazî û dezgeh û rêxistinên civakî yên kurd bi munasebeta Newroza îsal daxuyaniyeke hevpar dan.&nbsp;

	&nbsp;

	Daxuyaniya hevpar wiha ye:

	&nbsp;

	“2 hezar û 634 sal berê Kawayê Hesinkar zilm û zordariya Dehaq bi dawî kir û ev 2 hezar û 634 sal in li ser çiyayên Kurdistanê agirê azadiyê tê hilkirin û geşkirin. Ji wê rojê heta niha, di nava gelên Kurdistanê de Newroz weke cejna azadî, rizgarî, berxwedan û serhildanê hatiye pênasekirin. Kurdistanî û bi taybetî gelê kurd, her sal roja 21’ê Adarê weke cejna Newrozê pîroz dikin û di vê rojê de agirê Newrozê hil dikin. Ji ber vê egerê, Newroz li cem Kurdistaniyan bûye roja berxedanê, roja serkeftinê û roja rizgarî û azadiyê.

	&nbsp;

	SEMBOLA RIZGARÎ Û AZADIYÊ

	&nbsp;

	Newroz li ser bingeha têkoşînê, li dijî bindestiyê pêş ketiye. Newroz li dijî zilmê, li dijî koletî, dagirkerî, kolonyalîzm û bindestiyê bûye sembola rizgarî û azadiyê. Kawayê hemdem Mazlum Dogan, di 21’ê Adara 1982’yan de li dijî dijî faşîzma dewleta tirk, bi sê darikên niftikê agirê azadî û berxwedanê hil kir. Alaya Kawayê Hesinkar, ala azadiyê li paytexta Kurdistanê, li birca Amedê daliqand û agir geştir kir. Ji çiya û zozanan heta gund û bajaran, ev agir li seranserî Kurdistanê geş bû. Îro jî hemû Kurdistanî vî agirê azadiyê li seranserî Ewropa, li parzemînên Amerîka, Asya û Awûstralyayê geş dikin. Dê di Newroza îsal de jî ev agirê azadî, serhildan û berxwedanê ji aliyê partiyên siyasî, rexistinên sivîl û pêkkhateyên gelê kurd ve li heman parzemînan bê geşkirin.

	&nbsp;

	Gelê kurd îro li her çar parçeyên Kurdistanê Newroz veguherandiye şahiyeke mezin a gelêrî û roja azadî, rizgarî û berxwedanê. Gelê kurd li seranserî Kurdistanê û cîhanê herwekî naveroka wê ya dîrokî; bi armanca rizgarî û azadiyê, bi coşeke mezin pîroz dikin. Ji çiya û gundan heta bajar û zindanan, gelê kurd li her deverê Cejna Newrozê veguherandine çeperê têkoşîna rizgarî û azadiyê.

	&nbsp;

	Îro li seranserê Kurdistanê agirê Newrozê gurtir û geştir e. Li başûr û rojavayê Kurdistanê bi rengekî fermî tê pîrozkirin. Li rojhilat û bakurê Kurdistanê jî li gel hemû astengiyên dagirkeran jî, bi wateya xwe ya dîrokî tê pîrozkirin û agirê rizgarî û azadiyê gurtir tê hilkirin û geşkirin.

	&nbsp;

	DÊ BIBE SALA AZADIYÊ

	&nbsp;

	Em îro bi vê Newrozê dest bi saleke nû dikin. Sala berê di hemû qadan de ji me re bûbû saleke tekoşînê. Di nava van mercan de diyar dibe ku îsal jî wê bibe sala tekoşîna ji bo azadî û rizgariya Serok Ocalan, girtiyên di zindanan de û gelê kurd û kurdistaniyan.

	&nbsp;

	Dijminên gelê kurd di vê rewşa nû ya cîhanê de bi şêweyeke gelek tund û bi hişmendiyeke nîjadperest êrîşên xwe berdewam dikin. Bi taybetî dewleta tirk a dagirker ji bo têkbirina hemû destkeftiyên gelê kurd; ji Bakur heta Başûr û Rojava li her deverê êrişên dijwar, tund û tûj dike.

	&nbsp;

	Dewleta Îranê jî bi hemû awayî gelê kurd û canfedayên vî gelî ji xwe re kiriye hedef. Ji bo ku vîna gelê rojhilatê Kurdistanê bişikîne, zordestiya xwe berdewam dike.

	&nbsp;

	Her çiqas li başûrê Kurdistanê statûyeke fermî hebe jî, pirsgirêkên xeternak berdewam in û rewş roj bi roj ber bi nebaşiyê ve diçe. Dijminên gelê kurd ji bo lawazkirina statûyê vê parçeyê û têkbirina wê, di nava plansaziyên qirêjî û dek û dolabên cuda de ye.&nbsp;

	&nbsp;

	Dagirkerî û êrişên dewleta tirk ên li dijî rojavayê Kurdistanê jî berdewam in. Rejîma Sûriyeyê ji bo ku destkeftiyên Rojava têk bibe û ji xwe re derfetan çêbike, di nava hewldanan de ye.&nbsp;

	&nbsp;

	DIVÊ EM YEKITIYA XWE XURT BIKIN

	&nbsp;

	Rewşa heyî erk û peywirên me pêkhateyan diyar dike. Ji bo ku em di vê salê de serkeftinê bi dest bixin, divê em hevkarî û yekitiya xwe xurt bikin. Ji bo ku em van planên dagirkeran pûç bikin, divê em li hemberî dijmin tevdîrên baş bigirin. Divê em hêza xwe ya parastinê bi hev re xurt bikin û pêşî li êrişên dijminan bigirin. Hewceye em destkeftiyên xwe biparêzin û deskeftiyên nû lê zêde bikin. Ji bo ku em van peywirên xwe pêk bînin, divê di sêrî de em yekrêziya nava mala kurdî û yekitiya neteweyî bidin avakirin. Bi vê şêweyê em ê vê salê bikaribin bikin sala azadî, rizgarî û serkeftinê.

	&nbsp;

	Em îro Newrozê di nava rewşeke xeternak de pêşwazî dikin. Ji bo ku qirkirin û karesatên weke Helebçe, Qamişlo, Zindana Amedê û yên din dîsa bi serê me neyên, divê em vê Newrozê bi wateya wê ya dîrokî, bi ruhê berxwedanê pîroz bikin. Em ê bi hev re dakevin qada Newrozê û cejna xwe bi ruhê serkeftina Garê pîroz bikin. Di vê qonaxa girîng a têkoşîna rizgarî û azadiya Kurdistanê de, bila agirê Newrozê bibe ronahiyeke geş a tifaq û yekitiya gel û neteweya Kurdistanê.

	&nbsp;

	Weke partiyên siyasî, rêkxiraw û dezgehên kurdistanî; bi vê bîr û baweriyê û bi dilgermiya niştimanî, Newroza îsal li hemû kurd û kurdistaniyan pîroz dikin.&nbsp;

	&nbsp;

	Bila Newroza vê salê bibe eniya yekitî û tifaqa navxweyî. Dem dema serkeftinê ye.

	&nbsp;

	Newroz pîroz be!”

	&nbsp;

	Partî û rêxistinên ku daxuyaniya hevpar dayîn ev in:

	&nbsp;

	“Yekitiya Niştimanî Kurdistan (YNK)

	&nbsp;

	Tevgera Goran&nbsp;

	&nbsp;

	Kongreya Civakên Demokratîk ên Kurdistaniyên li Ewropatê (KCDK-E)

	&nbsp;

	Tevgêra Jinên Kurdistanê-Ewropa (TJK-E)

	&nbsp;

	Partiya Şûî Kurdistan

	&nbsp;

	Kongreya Star

	&nbsp;

	Partiya Zehmetkêşan - Başûr

	&nbsp;

	Partiya Azadî û Demokrasiya Êzidiyan (PADÊ)

	&nbsp;

	Tevgera Azadî

	&nbsp;

	Partiya Yekitiya Demokratîk (PYD)

	&nbsp;

	Partiya Demokrat a Kurdên Sûriyeyê (P.D.K.S)

	&nbsp;

	Partiya Çep a Kurd li Sûriyeyê

	&nbsp;

	Tevgera Nûjen a Kurdistanî - Sûriye

	&nbsp;

	Partiya Çepgir a Demokrat a Kurdên - Sûriyeyê (PÇDKS)

	&nbsp;

	Partiya Demokrat a Kurdên Sûriyeyê (El Partî)

	&nbsp;

	Partiya Çepgir a Demokrat li Sûriyeyê

	&nbsp;

	Partiya Rêkeftin a Kurd li Sûriyeyê

	&nbsp;

	Partiya Çaksaziya Kurd li Sûriyeyê

	&nbsp;

	Partiya Kesk a Kurdistanî li Sûriyeyê

	&nbsp;

	Partiya Demokrat a Kurdistanî li Sûriyeyê

	&nbsp;

	Partiya Komunîst a Kurdistanî li Sûriyeyê

	&nbsp;

	Partiya Îslamî ya Kurdistanê (PÎK)

	&nbsp;

	Partiya Komunîst a Kurdistanê (KKP)

	&nbsp;

	Tevgera Kawa

	&nbsp;

	Partiya Jiyana Azad a Kurdistanê (PJAK)

	&nbsp;

	Yekitiya Şorşgerî Kurdistan

	&nbsp;

	Civaka Demokratîk û Azad a Rojhilatê Kurdistanê (KODAR)

	&nbsp;

	Civaka Jinên Rojhilatê Kurdistanê (KJAR)

	&nbsp;

	Platforma Horam

	&nbsp;

	Platforma Zagros

	&nbsp;

	Platforma Yarsan

	&nbsp;

	Yarî Kurd

	&nbsp;

	Partiya Demokratîk û Pêşverû ya Kurd li Sûriyeyê

	&nbsp;

	Tevgera Çand û Hunera Kurd (TEVÇAND)

	&nbsp;

	Kurdische Gemeinde Stuttgart e.V

	&nbsp;

	Federasyona Elewiyên Kurdistanê (FEDA)

	&nbsp;

	Navenda Mal û Komeleyên Êzdiyan (NAV YÊK)

	&nbsp;

	Kurdische Zentrum Berlin

	&nbsp;

	Civaka Îslamî ya Kurdistanê (CÎK)

	&nbsp;

	Enîstîtûya Kurdî - Almanya

	&nbsp;

	Enîstîtûya Kurd - Brûksel

	&nbsp;

	Meclisa Şengal a Derveyî Welat (MŞD)

	&nbsp;

	Yekitiya Mamostayên Kurdistan (YMK)

	&nbsp;

	Yekitiya Êzdiyên Sûriyeyê (YES)

	&nbsp;

	Kurdische Gemeinde zu Berlin-Brandenburg e.V.

	&nbsp;

	Dachverband der Êzidischen Frauenräte

	&nbsp;

	Deutsch-kurdisches Forum (DKF) e.V Dresden

	&nbsp;

	Kongreya Gel a Mezopotamya

	&nbsp;

	Partiya Azadiyê ya Mezopotamya

	&nbsp;

	Kurdistan human rights Association

	&nbsp;

	Civaka Kurd ji bo Neteweyên Yekbûyî

	&nbsp;