
Mûsa Farisogûllari yê HDP'î ji girtîgehê derket  

2022-03-17 22:18:50


	&nbsp;

	AMED - Mûsa Farisogûllari yê HDP'î ku pişt parlementeriya wî hatibû betalkirin hatibû girtin, hat berdan.&nbsp;

	&nbsp;

	Parlementerê HDP'ê yê Amedê yê berê Mûsa Farisogûllari ku piştî 9 sal cezayê hepsê yê ji ber Doza Sereke ya KCK'ê lê hatibû birîn hatibû erêkirin, &nbsp;parlementeriya wî hatibû betalkirin û hatibû girtin. Farisogullari îro hat berdan û ji girtîgehê derket.&nbsp;

	&nbsp;

	
		Di 18'ê Cotmeha 2010'an de li Dadgeha Cezayê Giran a 2'yan a Amedê derbarê 154 siyasetmedaran de doz hatibû vekirin. Di vê dozê de ku 7 salan dewam kiribû, ceza li 111 siyasetmedaran hatibû birîn û 43 siyasetmedar jî beraet kiribûn. 139 siyasetmedar îtiraz kiribûn û serî li Dadgeha Îstinafê ya Dîlokê dabûn. Îstinfam cezayê 89 kesan erê kiribû.&nbsp;
	
		&nbsp;
	
		Di nav van kesan de Parlementerên HDP'ê Mûsa Farisogûllari û Leyla Guven jî hebûn. Daîreya ceza ya 16'an a Dadgeha Bilind di 24'ê Îlona 2019'an de cezayên li Farisogûllari û Guvenê hatibûn birîn erê kiribû û di 4'ê Hezîrana 2020'î de jî parlementeriya wan hatibû betalkirin.
	
		&nbsp;
	
		Piştî betalkirina parlementeriyê Farisogûllari û Guven hatibûn girtin.&nbsp;
	
		&nbsp;
	
		Parêzerên Farisogûllari, ji ber ku muwekîlê wan berê 5 salan di girtîgehê de maye û herî dawî 21 mehan di girtîgehê de maye û înfaza wî di biniya salekê re maye ji bo berdan bi şerî serî li dozgeriyê dabûn. Li gor agahiyên bi dest ketin Desteya Çavdêriyê ya Girtîgehê raporek amade kiriye û bi vê raporê pêşî li ber berdana Farisogûllari girtiye.&nbsp;
	
		&nbsp;
	
		Piştî vê parêzeran serî li Dadgeriya Înfazê daye û dadgeriyê xwestiey rapor çardên di be rçavan re bê derbaskirin. Desteya Çavdêriyê jî raporek nû amade kiriye. Bi rapora nû re FArisogûllari îro danê êvarî ji girtîgehê derket.&nbsp;
	
		&nbsp;
	
		Malbata FArisogûllari, Parlementerê HDP'ê yê Êlihê Necdet Îpekyuz, Hevserokên Giştî yên DBP'm Salîha Aydenîz û Keskîn Bayindir, Hevserokên HDP'a Amedê Zeyyat Ceylan û Gulîstan Atasoy û endamên partiyê Farisogûllari li ber Girtîgeha Amedê ya Tîpa D'yê pêşwazî kirin.&nbsp;


	&nbsp;