
23 jin bi hêceta meşa 25’ê Mijdarê hatine binçavkirin  

2022-03-17 13:13:29


	&nbsp;

	AMED - Hat zanîn ku 23 jinên li Amedê duh hatibûn binçavkirin, bi hêceta tevlibûna meşa 25’ê Mijdarê hatine binçavkirin. Tê payîn sibê dest bi îfadegirtina jinan bê kirin.&nbsp;

	&nbsp;

	Duh operasyona serdegirtina malan ku navenda wê Amedê bû, siyasetmedar, rêveber û nûnerên rêxistinên civakî yên sivîl jî di nav de 23 jin hatibûn binçavkirin. Binçavkirin li ser fermana Serdozgeriya Komarê ya Amedê pêk hatiye.&nbsp;

	&nbsp;

	Hat zanîn ku Kezîban Kuday a li navçeya Silopiya Şirnexê hat binçavkirin, wî jî anîne Midûriyeta Polîsan a Amedê.&nbsp;

	&nbsp;

	Sînordarkirina hevdîtina parêzeran li gel miwekîlên xwe piştî 24 saetan hat rakirin. Piştî biryara rakirina qedexeya hevdîtinê, parêzeran bi miwekîlên xwe re hevdîtin kir.&nbsp;

	&nbsp;

	LÊPIRSÎN DI MIJDARÊ DE HATIYE DESTPÊKIRIN&nbsp;

	&nbsp;

	Li gorî agahiyên hatine bidestxistin, dozgeriyê lêpirsîna daye destpêkirn spartiye meşa jinan a di 25’ê Mijdarê Roja Jinan a Li Dijî Tundiyê ya Navnetewî de ku li dar xistibûn û lêpirsîn ji wê demê ve hatiye destpêkirin. Roja 25’ê Mijdarê bi pêşengiya Platforma Jinan a Dîcle Amedê jin li hev kom bûbûn û xwestibûn ji Xaçerêya Dinyayê heta Parka Roboskî bimeşin lê di navbera polîs û jinan de rageşî derketibû.&nbsp;

	&nbsp;

	Hat zanîn derbarê jinan de 4 rojan biryara binçavkirinê hatiye dayîn û tê payîn sibê li Midûriyeta Polîsan a Amedê îfadeyên her 23 jinan bê girtin.&nbsp;

	&nbsp;

	NAVÊ JINÊN HATINE BINÇAVKIRIN&nbsp;

	&nbsp;

	Navê jinên hatine binçavkirin wiha ye: Seroka Komeleya Jinan a Rosayê Adalet Kaya, rêvebera Rosayê Nevîn Oyman û endama Rosayê Fatma Gultekîn, Hevşaredara Sûrê Fîlîz Bûlûttekîn a qeyûm danîne şûna wê, Hevşaredara Bismilê Gulşen Ozer a qeyûm danîne şûna wê, Hevseroka Rêxistina HDP’ê ya Navçeya Yenîşehîrê Remziye Sizici, Endama Meclisa Şaredariya Yenîşehîrê Emîne Kaya, Sekretera Jinan a Şaxa SES’ê ya Amedê Fatma Yildizhan, Hevseroka Şaxa TUMBEL-SEN’ê ya Amedê Nîhal Yanik, Sekretera Şaxa Egîtîm Senê ya Jimara 1’an a Amedê Hatîce Efe, Sekretera Jinan a Şaxa BTS’ê Bahar Ulug, aktîvîstên TJA’yê Zekiye Guler û Jale Okkan û Sakîne Karadenîz, Bîrsen Guneş, Xezal Yildirim, Safiye Akdag, Esma Efeturk, Yildiz Kardaş, Evîn Yelboga, Ayşe Emîne Akşahîn, Emîne Çetîner û Keziban Kuday.”&nbsp;

	&nbsp;