
Parêzerên Ocalan ji bo biçin Îmraliyê serlêdan kirin 

2022-03-08 13:50:35


	&nbsp;

	STENBOL - Parêzerên Rêberê PKK’ê Abdullah Ocalan, bi mebesta hevdîtina bi mûwekîlê xwe re serî li Serdozgariya Komarê ya Bûrsayê û Midûriyeta Girtîgeha Îmraliyê dan. &nbsp; &nbsp;

	&nbsp;

	Rêberê PKK’ê Abdullah Ocalan ku li Girtîgeha Tîpa F a Îmraliyê tê ragirtin, di bin tecrîdeke giran de ye. Parêzerên Ocalan, Raziye Ozturk, Rezan Sarica, Faîk Ozgur Erol û Emran Emekçî ji bo hevdîtina bi muwekîlê xwe re serî li Serdozgariya Komarê ya Bûrsayê û Midûriyeta Girtîgeha Îmraliyê dan.&nbsp;

	&nbsp;

	Parêzerên Ocalan ji bo hevdîtina bi muwekîlê xwe re, di nava hefteyê de du caran serî li cihên pêwendîdar didin lê belê ne bi erênî û ne jî neyînî tu bersivek ji van serlêdanan wan re nayê dayîn. Ji ber vê yekê jî di 22’yê mijdara sala 2021’an de bi daxwaza “hevdîtina demildest”, serî li Dadgeriya Înfaza Cezayê ya Bûrsayê dan. Dadgeriyê di bersiva xwe de diyar kir ku di 12’ê cotmeha 2021’an de li Ocalan ji bo 6 mehan cezayê hevdîtinê hatiye birîn û di 18’ê tebaxê de jî 3 mehan cezayê hevdîtina bi malbatê re hatiye dayîn. Dadgeriyê, bi van hincetan jî serlêdana parêzeran red kir. Lê derheqê biryarên weke hinceta qedexeyê hatine nîşandin de tu agahî bi parêzeran re parve nekir.&nbsp;

	&nbsp;

	Ji parêzerên Ocalan, Rezan Sarica û Newroz Uysal piştî 8 salan, di 2-22’yê gulanê de, di 12-18’ê hezîranê de û di 7’ê tebaxa sala 2019’an de karîbûn bi muwekîlê xwe re hevdîtinê bikin. Ocalan, yekemîn car karîbû di 27’ê nîsana 2020’an de mafê xwe yê telefonê bi kar bîne. Ji ber ku fikarên raya giştî yên derheqê Ocalan de zêde bûbûn, di 25’ê adarê de li ser telefonê bi birayê xwe Mehmet Ocalan re hevdîtin kiribû. Mehmet Ocalan, dabû zanîn ku axaftina wan di nivî de hatiye qutkirin.

	&nbsp;