
Xelata 'Aştî, Dostanî û Demokrasiyê’ diyarî Emîne Şenyaşar kirin  

2022-03-03 14:26:44


	AMED - Odeya Tabîban a Amedê xelata îsal a “Aştî, Dostanî û Demokrasiyê” diyarî Emîne Şenyaşar kir.&nbsp;

	Odeya Tabîban a Amedê her sal di çarçoveya şahiyên Hefteya Cejna Tibê ya 14’ê Adarê de xelatan dide. Odeya Tabîban vê xelata bi navê “Aştî, Dostanî û Demokrasî” ji sala 1990’an ve dide xwediyên wan. Odeyê xelata îsal jî bi civînek çapemeniyê ya li avahiya xwe ragihand. Xelata îsal diyarî Emîne Şenyaşar a 360 roj in li ber Edliyeya Rihayê Nobeda Edaletê digire hat kirin.&nbsp;

	&nbsp;

	SEPANÊN ANTÎDEMOKRATÎK DI DEWRÊ DE NE&nbsp;

	&nbsp;

	Seroka Odeya Tabîban a Amedê Dr. Elîf Tûran destnîşan kir ku ew di heyamek ku polîtîkayên ne aştiyane de derbas dibin û mafê mirovan û azadiya wan tê binpêkirin û sepanên antîdemokratîk di dewrê de ne. Tûran anî ziman ku herî zêde jî Emîne Şenyaşar para xwe ji van sepanên antîdemokratîk girtiye û ew xelata xwe ya îsal diyarî wê dikin.&nbsp;

	&nbsp;

	Tûran da zanîn ku ew ê di çarçoveya şahiyên Cejna Tibê de merasîmek li dar bixin û xelata Emîne Şenyaşar bidinê.&nbsp;

	&nbsp;