
Doza 5’ê Hezîranê ya ji nû ve tê lidarxistin, li çapemeniyê hat qedexekirin 

2022-03-01 13:51:36


	&nbsp;

	AMED - Rojnamevanan negirtin doza qetlîama 5’ê Hezîranê ya ji nû ve tê lidarxistin. Her wiha beşdariya mexdûr û parêzeran a dozê jî hat qedexekirin.&nbsp;

	&nbsp;

	Orhan Gonder ê DAIŞ’î di 5’ê Hezîrana 2015’an de li dijî mitînga Partiya Demokratîk a Gelan (HDP) a li Qada Îstasyona Amedê êrişa bombeyî pêk anîbû. Derbarê 14 polîsên ku “wezîfeya xwe binpê kirine” doz li wan hatibû vekirin. Ji 14 polîsan tenê cezayê hepsê yê 2 meh û nîv li 4 polîsan hatibû birîn. Dadgeha bilindtirîn ceza xera kir û doz ji nû ve tê lidarxistin. Doza ji nû ve li 9’emîn Dadgeha Cezayê Giran a Amedê hat lidarxistin. Dadgehê diyar kiribû ku polîs ne berpirsiyarên vê bûyerê ne û berpirsiyariya komkujiyê xistibû stûyê şaredariyê.&nbsp;

	&nbsp;

	Polîs beşdarî danişînê nebûn. Ji mexdûrên qetlîamê Ahmet Kurul, Şaban Arslan, Hayati Kurul, Mehmet Ozcan û Sabahattî Bekçî beşdarî danişînê bûn. Parêzerên aliyan û parêzerê HDP’ê Mehmet Oner di danişînê de amade bûn.&nbsp;

	&nbsp;

	ROJNAMEVANAN BERNEDAN EWYANA DANIŞÎNÊ&nbsp;

	&nbsp;

	Hevserokê HDP’a Amedê Zeyyat Ceylan û rêveberên HDP’ê ji bo dozê bişopînin hatin edliyê. Serokê dadgehê ferman da ku kesên dozê dişopînin û rojnamevanan hilnedin eywana danişînê. Serokê dadgehê ewilî mafê axaftinê da miştekiyan. Miştekiyan xwest bersûc werin cezakirin.&nbsp;

	&nbsp;

	XWESTIN BERSÛC BEŞDARÎ DANIŞÎNÊ BIBIN&nbsp;

	&nbsp;

	Parêzerên miştekiyan jî axivîn û xwestin bersûc di danişînê de werin amadekirin û di dosyeyê de mafê darizandina adilane tê binpêkirin. Parêzeran got dadgeh li dijî hiqûqê tevgeriyaye û biryar daye.&nbsp;

	&nbsp;

	EREN: DIVÊ DEWLET MAFÊ JIYANÊ BIPARÊZER&nbsp;

	&nbsp;

	Serokê Baroya Amedê Nahît Eren jî biryar xerakirin dozê rexne kir û got, “nayê qebûlkirin.” Eren destnîşan kir ku çi dibe bila bibe divê dewlet mafê jiyanê biparêze.&nbsp;

	&nbsp;

	ŞAREDARÎ ÇIMA TÊ TAWANBARKIRIN?&nbsp;

	&nbsp;

	Ji miştekiyan Mehmet Ozcan jî anî ziman ku êrişkarê terorîst bombeyê di dezgahê xwe de bicih kiriye û ew fêm nakin çima şaredarî tê tawanbarkirin.

	&nbsp;

	WÊ NIKARIBIN BEŞDARÎ DANIŞÎNÊ BIBIN&nbsp;

	&nbsp;

	Piştî ku beyanên parêzerên miştekiyan jî hat girtin dadgehê biryar da ku dosyeya dozê ji bu mutalayê bişînin Serdozgeriya Komarê ya Amedê. Her wiha dadgehê beşdariya miştekiyan û parêzeran ku dozek berê biryara beşdariya wan hatibû dayîn, rakir û qedexe kir. Dadgehê danişînê taloqî dîrokek pêş kir.&nbsp;

	&nbsp;