
Komxebata Têkoşîna li dijî DAIŞ’ê li Silêmaniyeyê dest pê kir 

2022-02-26 12:22:31


	&nbsp;

	NAVENDA NÛÇEYAN - Li Silêmaniyeyê, komxebateke bi navê “Têkoşîna li dijî DAIŞ’ê û Aqûbeta Girtiyên DAIŞ’î” hat lidarxistin.&nbsp;

	&nbsp;

	“Komxebata Têkoşîna li dijî DAIŞ’ê û Aqûbeta Girtiyên DAIŞ’î”, bi beşdariya nûnerên Herêma Federal a Kurdistanê, Rêveberiya Xweser a Bakur û Rojhilatê Sûriyeyê, Ewropa û gelek welatên din, li Silêmaniyeyê hat destpêkirin.&nbsp;

	&nbsp;

	Komxebat, bi pêşengtiya Rêveberiya Xweser a Bakur û Rojhilatê Sûriyeyê û Koma Piştgiriyê ya Rojava hat destpêkirin. Axaftina destpêkê jî endama Dîwana Serokatiyê ya Yekitiya Niştimanî Kurdistan (YNK) Şahnaz Îbrahîm Ehmed kir. Tê payîn ku Fermandarê Giştî yê Hêzên Sûriyeya Demokratîk (HSD) Mazlum Ebdî jî bi rêya telekonferansê dê beşdarî komxebatê bibe û komxebat dê rojekê bidome.&nbsp;

	&nbsp;

	Hat zanîn ku dê di komxebatê de 2 panel bên lidarxistin û mijarên weke liv û tevgera DAIŞ’ê ya di demên dawî de, stratejiyên têkoşîneke bibandor ên li dijî DAIŞ’ê, girîngiya yekitiya neteweyî ya kurdan û aqûbeta girtiyên DAIŞ’î bên nirxandin.&nbsp;

	&nbsp;

	NAVÊN BEŞDARAN

	&nbsp;

	Navên kesên ku beşdarî komxebatê bûne wiha ne: “Hevseroka KNK’ê Zeynep Mûradî, endamê Dîwana Serokatiyê ya YNK’ê Sadî Ehmed Pîre, endamê Polîtbûroya YNK’ê Aram Qadir Xelat, siyasetmedarê kurd Dr. Mehemed Emîn Pencewînî, Hevserokê Tevgera Azadî Mihemed Abdullah, siyasetmedarê Iraqî Eshad Îbadî, Wekîlê Hevserokatiya Rêveberiya Xweser a Bakur û Rojhilatê Sûriyeyê Bedran Çiya Kurd, nûnerên Meclisa Gel a Mexmûrê, nûnerên kurdên kakaî, şebek û feylî û nûnerên Rêveberiya Xweser a Şengalê.”&nbsp;

	&nbsp;