
Li Girtîgeha Îdirê 2 girtiyên din jî dest bi greva birçîbûnê kirin  

2022-02-26 11:59:09


	&nbsp;

	ÎDIR - Girtiyê bi navê Hogir Batu, li dijî lêgerîna tazî û muameleya xerab dest bi çalakiya greva birçîbûnê kiribû û çalakiya wî di roja 65’emîn de berdewam dike. Hat zanîn ku li heman girtîgehê 2 girtiyên din jî dest bi greva birçîbûnê kirine.&nbsp;

	&nbsp;

	Girtiyê bi navê Hogir Batu ku di dema qedexeyên derketina kolanan a Nisêbîn a Mêrdînê de hatibûn girtin û di Doza Nisêbînê de cezayê muebbeta giran lê hatibû birîn, di 23’yê adarê de ji Girtîgeha Bi Ewlekariya Bilind a Hejmar 1 a Amedê sirgûnî Girtîgeha Tîpa S a Îdirê hatibû kirin. Di ketina girtîgehê de lêgerîna tazî li Batu hatibû ferzkirin û wî jî li dijî vê sepanê, di 24’ê kanûna 2021’an de dest bi greva birçîbûnê kiribû. Di roja 4’emîn a çalakiyê de gardiyanan Batu bi saetan di odeya bisunger de ragirtibû û derb kiribûn.&nbsp;

	&nbsp;

	DU GIRTIYÊN DIN JÎ BEŞDARÎ ÇALAKIYÊ BÛN

	&nbsp;

	Çalakiya greva birçîbûnê ya Batu di roja 65’emîn de berdewam dike. Hat zanîn ku li heman girtîgehê, girtiyên bi navê Firat Gereklî û Mazhar Metîn jî dest bi çalakiya greva birçîbûnê kirin. Hat ragihandin ku Gereklî û Metîn ji ber qedexeya neşandina nameyan, ragirtina li odeyên dûr û yekkesî û nesewqkirina nexweşxaneyan, di 16’ê sibatê de dest bi çalakiya greva birçîbûnê kirine.&nbsp;

	&nbsp;

	BANG LI WEZARETA EDALETÊ KIRIN&nbsp;

	&nbsp;

	Têkildarî mijarê Komeleya Hiqûqnasên Ji bo Azadiyê (OHD) daxuyaniyek da û bang li Wezareta Edaletê kir ku dawî li van binpêkirina bînin. OHD’ê da zanîn ku dê di demekî herî nêz de biçin serdana girtîgehê.&nbsp;

	&nbsp;