
Dayikên Aştiyê yên Îzmîrê serdana Nobeda Edaletê kirin  

2022-02-25 16:33:57


	&nbsp;

	ÎZMÎR - Meclisa Dayikên Aştiyê ya Îzmîrê serdana Nobeda Edaletê ya malbatên girtiyan kirin û xwestin dawî li zilma li girtîgehan bê anîn.&nbsp;

	&nbsp;

	Nobeda Edaletê ya malbatên girtiyên nexweş û girtiyên cezayên wan qediyaye û nayên berdan ku li Baroya Îzmîrê dan destpêkirin, di roja 11’emîn de berdewam kir. Malbatan dovîzên wek “Ji girtiyên nexweş re azadî” û “Tecrîd sûcê mirovahiyê ye” vekirin. Îro endamên Meclisa Dayikên Aştiyê ya Îzmîrê serdana malbatan kirin. Dayikên Aştiyê nêrgizan diyarî malbatan kirin.&nbsp;

	&nbsp;

	'JI BO HER KESÎ EDALET’

	&nbsp;

	Behiye Yalçin li ser navê Dayikên Aştiyê axivî û diyar kir ku ew li cem malbatên girtiyan in û got: “Zarokên we zarokên me ne. Edalet ji bo her kesî lazim e. Em jî edaletê dixwazin. Em dixwazin girtiyên nexweş û girtiyên berdana wan hatiye taloqkirin werin berdan. Divê edalet bicih were.”&nbsp;

	&nbsp;

	BANGA BEŞDARIYA NOBEDÊ&nbsp;

	&nbsp;

	Sultan Yagmekan jî li ser navê malbatên girtiyan axivî û spasiya Dayikên Aştiyê kir. Yagmekan destnîşan kir ku ew ji ber zarokên xwe yên di girtîgehan de bi şev jî ranakevin û tiştek naxwin û got: “Zext li ser zarokên me hene. Her roj bi ser qawîşên girtiyan de digirin û eşyayên wan talan dikin. Tiştên wan desteser dikin û nadin wan. Çima vê zilmê li zarokên me dikin? Ew çi dikin bila bikin wê zarokên me dest ji daw û doza nasnameya xwe bernedin. Em û zarokên xwe em ê heya dawiyê li ber zilmê rabin. Heta edalet bicih were em ê têkoşîna xwe bidomînin û li ber xwe bidin.”

	&nbsp;

	Yagmekan herî dawî bang li dayikên girtiyan kir ku bên di Nobeda Edaletê de cih bigirin.&nbsp;

	&nbsp;