
Doza Dayikên Aştiyê û rojnemavanan hat taloqkirin  

2022-02-24 15:37:44


	&nbsp;

	STENBOL - Di doza Dayikên Aştiyê û du rojnamevanan de qedexeya derketina derveyî welat a li ser wan hat rakirin.&nbsp;

	&nbsp;

	Li ber Girtîgeha Baikrkoyê ya Jinan 11 endamên Înîsiyatîfa Dayikên Aştiyê têkildarî çalakiya greva birçîbûnê ya Hevseroka KCD’ê Leyla Guven daxuyanî dabûn. Ji ber daxuyaniyê ango çalakiyê derbarê 11 dayikên aştiyê û rojnamevan Îrfan Tuncçelîk û Umît Turhan Coşkun de bi îdiaya “muxalefetiya qanûna meş û xwepêşandana kirine” û “tevî ku ne endamên rêxistinê ne jî li ser navê rêxistinê sûc kirine” doz hatibû vekirin. Danişîna dozê li 23’yemîn Dadgeha Cezayê Giran a Çaglayana Stenbolê hat lidarxistin. Dayikên Aştiyê û rojanmevan û parêzerên xwe di danişînê de amade bûn.&nbsp;

	&nbsp;

	Dayikên Aştiyê bi kurdî parastina xwe kirin û tawanbariyên li ser xwe red kirin. Serokê dadgehê pirsan ji dayikan kir.&nbsp;

	&nbsp;

	Du polîs di danişînê de wek şahid hatin guhdarîkirin û polîsan diyar kir ku bûyer nayê bîra wan.&nbsp;

	&nbsp;

	Heyeta dadgehê xwest kêmasiyên di dosyeyê de werin temamkirin û biryara rakirina qedexeya derketina derveyî welat a li ser dayikan û rojnamevanan da û danişînê taloqî 28’ê hezîranê kir.&nbsp;

	&nbsp;

	&nbsp;