Nobeda Edaletê: Divê her kes xwe tevli vê berxwedanê bike  

2022-02-22 16:08:49


	 

	WAN - Endamên Meclisa Ciwanan a HDP’ê serdana Nobeda Edaletê ya li Wanê kirin û gotin divê her kes xwe tevli vê berxwedanê bike. 

	 

	Nobeda Edaletêy a malbatên girtiyên nexweş û girtiyên berdana wan hatiye taloqkirin a li Baroya Wanê dane destpêkirin di roja 72’yemîn de berdewam dike. Endamên Meclisa Ciwanan a HDP’ê serdana nobedê kirin. 

	 

	‘TECRÎD TESÎRÊ LI SER HER KESÎ DIKE’ 

	 

	Endama Meclisa Ciwanan Rojbîn Varhan diyar kir ku neheqiya li zindanan sepanên dij mirovî ne û ew jî xwedî li vê berxwedana dayikan a dane destpêkirin derdikevin. Varhan bal kişand tecrîdkirina ser Rêberê PKK’ê Abdullah Ocalan û got: “Tecrîda li Îmraliyê li tevahiya girtîgehan belav bûye. Tecrîda ku li rêberê gelan birêz Abdullah Ocalan tê sepandin li tevahiya civakê û girtîgehan tê sepandin. Ev rewş bandorê li ser her kesî dike. Gelek girtiyên nexweş hene divê girtiyên nexweş û girtiyên berdana wan hatiye taloqkirin werin berdan. Berxwedana malbatan berxwedana me ye. Divê her kes xwe tevli vê berxwedanê bike.”