
Li Girtîgeha Mêrdînê çalakiya greva birçîbûnê dan destpêkirin 

2022-02-22 15:14:55


	&nbsp;

	MÊRDÎN - Girtiyên li Girtîgeha Tîpa E ya Mêrdînê tên ragirtin li dijî binpêkirinên mafan çalakiya greva birçîbûnê ya bêdem û dorveger da destpêkirin.&nbsp;

	&nbsp;

	Girtiyên li Girtîgeha Tîpa E ya Mêrdînê tên ragirtin, li dijî pêkanîn keyfî û binpêkirinên mafan çalakiya greva birçîbûnê ya bêdem û dorveger da destpêkirin. Hat diyarkirin ku wê çalakî bi komên ji 3 kesan pêk tê û 5 rojan carekê pêk were. Parêzerên ku bi muwekîlên xwe re hevdîtin kirin ragihandin ku çalakî duh hatiye destpêkirin û weke koma ewil Sûphî Soylemez, Alî Tûna û Dervîş Akyurek dest bi çalakiya greva birçîbûnê kirine.&nbsp;

	&nbsp;

	Girtiyan daxwazên xwe wiha rêz kirin:&nbsp;

	&nbsp;

	“* Divê rêveberiya girtîgehê dawî li ferzkirinên qawîşên bêalî û pêkanînên bi armanca şikandina îradeya girtiyan bîne,&nbsp;

	&nbsp;

	* Divê girtiyên nexweş bên dermankirin û bi awayekî bi rêk û pêk sewqî nexwşexaneyê bên kirin.&nbsp;

	&nbsp;

	* Divê demildest dest ji pêkanînên di pêvajoya sewqkirina nexweşxaneyê de diqewimin ên li dijî rûmeta mirovahiyê bên bi dawî kirin.&nbsp;

	&nbsp;

	* Divê dawî li biryarên kêyfî yên Lijneya Îdarî û Şopandinê bên anîn û girtiyên ku înfaza xwe temamkirine demildest bên berdan.&nbsp;

	&nbsp;

	* Divê mafên wan ên aktîvîteyên civakî yên bi pêvajoya pandemiyê re hatine sînordarkirin an jî bi temamî hatin rakirin, bên îade kirin.”

	&nbsp;

	&nbsp;