
Di girtîgehê de 4 pirtûk nivîsandin û 30 sal piştre derket 

2022-02-20 14:20:48


	&nbsp;

	AMED - Nivîskar Edîp Yalçinkaya ku bi sedemên siyasî hatibû girtin û Dadgeha Ewlekariyê ya Dewletê cezayê muebbetê dabûyê, 30 sal piştre ji girtîgehê derket.&nbsp;

	&nbsp;

	Nivîskar Edîp Yalçinkaya di sala 1992’yan de ji ber sedemên siyasî, di 21 saliya xwe de hate girtin. Yalçinkaya ku li Girtîgeha Tîpa T a Hejmar 1 a Amedê dima, piştî 30 salan hate berdan. Malbat û xizmên Yalçinkaya, ew li pêşiya girtîgehê pêşwazî kirin.&nbsp;

	&nbsp;

	Yalçinkaya di sala 1971’an de li Bêdlisê ji dayik bû û dibistanên seretayî û navîn li vir xwend. Di sala 1990’an de dest bi xebatên siyasî kir û di sala 1992’yan de jî li navçeya Gimgim a Mûşê hate girtin. Di hezîrana sala 1993’yan de li Dadgeha Ewlekariyê ya Dewletê (DGM) hat darizandin û cezayê muebbetê lê hat birîn. Di nava 30 salan de Yalçinkaya li girtîgehên Amed, Bartin, Sêrt, Erzirom, Çewlik û Çankiriyê ma.&nbsp;

	&nbsp;

	Di dema girtîgehê de Yalçinkaya zêdetir meyla xwe da ser xebatên wêjeyê. Di encama xebatên dûvdirêj de pirtûkên bi navên “Ma Ülkesi”, “Mahzen”, “Kardaki Kan” û “Dideban” nivîsandin.&nbsp;

	&nbsp;

	Her wiha di Pêşbirka Helbest û Çîrokan a Îsmet Baycan a TUHAD-FED’ê û di Pêşbirka Helbestan a Şaxa ÎHD’ê ya Amedê de jî xelat wergirt. Nivîs û helbestên Yalçinkaya li ser gelek malperên înternetê û di gelek rojnameyan de hatin weşandin.&nbsp;

	&nbsp;

	Hêjayî bibîrxistinê ye ku pirtûka Yalçinkaya “Kardaki Kan” li soranî hat wergerandin û rastî eleqeyeke mezin hat.&nbsp;

	&nbsp;