
Çalakiya lembetefandinê ya esnafên Amedê bi dawî bû

2022-02-15 21:02:16


	&nbsp;

	AMED – Esnafen Amedê ku li dijî fatûreyen ceyranê û bihabûnê ji bo sê rojan dest bi çalakiya lembetefandinê kiribûn, îro danê êvarî bi daxuyaniyekê çalakiya xwe bi dawî kirin.&nbsp;

	&nbsp;

	Esnafên Kuçeya Hunerê ya semta Ofîsê ya navçeya Yenîşehîr a Amedê, ji bo fatûreyên ceryanê yên giran û bihabûnê protesto bikin ji bo 3 rojan dest bi çalakiya lembetefandinê kiribûn. Esnafan di roja sisêyan da bi daxuyaniyekê çalakiya xwe bi dawî kirin. Esnafan berî daxuyaniyê ji bo deqîqeyekê lembeyên xwe tefandin û li derdora kuçeya hunerê find vêxistin û bi çepikan fatûreyên ceryanê yên giran protesto kirin.&nbsp;

	&nbsp;

	Di daxuyaniyê de Serokê Komeleya Kuçeya Hunerê Umît Umdu axivî.&nbsp;

	&nbsp;

	Umdu bilêv kir ku sê rojan li dijî bihabûne û fatûreyen ceyranê yên giran çalakiya lembetefandinê li dar xistin û di roja sisêyan de çalakiya xwe bi dawî kirine.&nbsp;

	&nbsp;

	Umdu, diyar kir ku çalakiya wan a lembetefandinê hatiye astengkirin, lê dîsa jî li dar xistine û got: "Ê ku nedihiştin esnaf lembeyên xwe bitefînin, nexwe bira bên heqê ceryana lembeyên esnafan bidin. Em dixwazin dengê xwe bi awayekî demokratîk bidin bihîstin. Gaz û ceryan pir biha bûye, eê mirov çawa debara xwe bikin? Bila rayedarên desthilatê bên li nava gel bigerin û rewşa gel bibînin. Ên berê fatûreya wan 80lîre dihat, niha hezar lîre tê. Xwedî li esnafan dernakevin. Ger wisa be sibê dusibe dê esnaf dikanên xwe bigirin."&nbsp;

	&nbsp;

	Umdu, di dawiya axaftina xwe de ji bo vê hevdîtin bi Baroya Amedê re kirin û got: "Baroya Amedê ew dane dadgehê. Em li benda biryarê ne."&nbsp;

	&nbsp;