
ÎHD û Baroya Mûşê bertek nîşanî girtina Guneş dan 

2022-02-14 14:14:11


	MÊRDÎN/MÛŞ - Şaxa ÎHD'ê ya Mêrdînê û Baroya Mûşê, derbarê girtina parastvanên mafê mirovan Parêzer Tarık Guneş de daxuyanî dan û xwestin ku Guneş bê berdan.&nbsp;

	&nbsp;

	Şaxa Komeleya Mafê Mirovan (ÎHD) a Mêrdînê, li avahiya xwe derbarê rêveberê xwe Parêzer Tarik Guneş ku di 12'ê sibatê de hatibû girtin daxuyanî da. Rêveberên komelyê daxuyaniyê bûn û banga berdana parastvanê mafê mirovan Guneş kirin.&nbsp;

	&nbsp;

	Hevserokê Şaxa ÎHD'ê Feyzî Atsiz, da zanîn ku Guneş bi hinceta rapor û daxuyaniyên 8 sal berê yên ÎHD'ê hatiye girtin û wiha got: "Sûcdariyên li Tarik Guneş di çarçoveya azadiya xwe anîna ziman û rêxistinbûnê de ne. Girtin li dijî qanûnan e. Serdozgeriya Komarê ya Mûşê, bêyî ku lêkolîneke baş bike hêzên ewlehiyê aresteyî serokê berê yê şaxa me kiriye û wî daye girtin. Girtina serokê me yê berê nîşan dide ku polîtîkaya zextê ya bi rêya darazê li tevahiya Mûşê bênavber tê berdewamkirin."

	&nbsp;

	Atsiz, bang kir ku Gunuş demildest bê berdan.&nbsp;

	&nbsp;

	BAROYA MÛŞÊ

	&nbsp;

	Baroya Mûşê jî ji bo Guneş daxuyanî da. Baroyê, di daxuyaniya xwe de destnîşan kir ku xebatên mafên mirovan nabin sûc û got ku girtina Guneş ji aliyê ali wan ve nayê qebûlkirin. &nbsp;

	&nbsp;