Doza nivîskar Azad Zal hat taloqkirin  

2022-02-10 12:36:11


	 

	AMED - Danişîna doza nivîskar û weşanger Azad Zal ê heta 15 salan bi cezayê hepsê tê darizandin, hat taloqkirin. 

	 

	Nivîskar û weşanger Azad Zal (Mehmet Gungormuş) di çarçoveya lêpirsîna li ser Kongreya Civaka Demokratîk (KCD) de negirtî tê darizandin. Danişîna doza Zal ê bi îdiaya “endamtiya rêxistinê” tê darizandin, li 8’emîn Dadgeha Cezayê Giran a Amedê hat lidarxistin. 

	 

	Di danişîna Zal de yê ku heta 15 salan cezayê hepsê jê re tê xwestin biryar derneket. Zal beşdarî danişînê bû û ji ber parêzerê wî bi Covid-19’ê ketiye nikaribû beşdarî danişînê bibe. 

	 

	Dozger mutalaya xwe dubare kir û Zal ji ber parêzerê wî neamade ye ji bo parastinê dema zêde xwest. 

	 

	Dadgehê daxwaza Zal qebûl kir û danişînê taloqî 10’ê adarê kir.