
Zeydan çû serdana HDP’ê 

2022-02-03 12:07:29


	&nbsp;

	NAVENDA NÛÇEYAN – Parlamenterê HDP’ê yê berê Abdullah Zeydan piştî 5 salên li girtîgehê, çû serdana Navenda Giştî ya partiya xwe.&nbsp;

	&nbsp;

	Parlamenterê Partiya Demokratîk a Gelan (HDP) ê Colemêrgê yê berê Abdullah Zeydan, di operasyonên hemwext ên di 4’ê mijdara 2016’an de hatibû girtin. Zeydan piştî ku hate berdan, çû serdana Navenda Giştî ya partiya xwe.&nbsp;

	&nbsp;

	VEGERIYA MALA XWE

	&nbsp;

	Zeydan ji hêla Hevserokê Giştî yê HDP’ê Mîthat Sancar û Berdevka Partiyê Ebrû Gunay ve hat pêşwazîkirin. Navenda Giştî ya HDP’ê li ser hesaba xwe ya medyaya civakî têkildarî serdanê ev agahî parve kir: “Abdullah Zeydan piştî 5 salan dîsa li mala xwe vegeriya. Hevserokê me yê giştî Sancar û &nbsp;berdevka partiya me Gunay pêşwaziya Zeydan kir. Bi xêr hatî @AbdullahZeydan. Ew roj nêz in ku em hemû hevalên xwe yên dîlgirtî bi hev re pêşwazî bikin.”&nbsp;

	&nbsp;

	Zeydan, di operasyona li dijî HDP’ê ya di 4’ê mijdara 2016’an de hate binçavkirin. Piştre jî bi îdiayên ‘alîkariya rêxistinê kiriye’ û ‘propagandaya rêxistinê kiriye’ 8 sal û mehek cezayê girtîgehê lê hat birîn. Lê cezayê Zeydan li Dadgeha Bilind hat xerakirin û di 7’ê çileyê de hate berdan.&nbsp;

	&nbsp;