
Kujer Onur Gencer daxwaz kir, wezaret jî ket tevgerê!

2022-02-01 16:40:45


	ENQERE - Kujerê Denîz Poyraz, Onur Gencer bi hêceta “ewlehiyê” ji CÎMER’ê daxwaz kiriye ku danişîn sewqî Kayseriyê were kirin. Li ser vê yekê Wezareta Dadê ket tevgerê.&nbsp;

	Hat zanîn ku kujerê Denîz Poyraz, Onur Gencer bi riya parêzerê xwe serî li Serokatiya Ragihandinê ya Serokkomariyê (CÎMER) daye.&nbsp;

	&nbsp;

	CÎMER WEZARETÊ XIST TEVGERÊ&nbsp;

	&nbsp;

	Kujer Onur Gencer bi riya parêzerê xwe bi hêceta “ewlehiyê” daxwaz kiriye ku danişîna dozê sewqî Kayseriyê were kirin. Li ser daxwaza kujer Gencer, CÎMER’ê jî Wezareta Dadê xist tevgerê.&nbsp;

	&nbsp;

	WEZARET JI SERDOZGERIYÊ NÊRÎN XWEST&nbsp;

	&nbsp;

	Wezareta Dadê nivîs ji Serdozgeriya Komarê ya Îzmîrê re şand. Wezaretê ji Serdozgeriyê û Walîtiya Îzmîrê nêrîna derbarê ka “qelsiya ewlehiyê” heye an na xwest. Wezaretê xwest ku ev agahî bi wan bê gihandin. Heta niha ne serdozgeriyê û ne jî walîtiyê nêrîna xwe ji Wezaretê re ranegihandiye.&nbsp;

	&nbsp;

	ÇI BÛBÛ?

	&nbsp;

	Kujer Onur Gencer di 17’ê Hezîrana 2021’an de bi ser avahiya Rêxistina HDP’ê ya Bajarê Îzmîrê ve girtibû û êrişa çekdarî pêk anîbû. Kujer di êrişê de endam û xebatkara HDP’ê Denîz Poyraz gulebaran kiribû û ew qetil kiribû. Kujer ji vê qetlîamê girtî tê darizandin û heta niha du caran hatiye dadgehkirin.&nbsp;

	&nbsp;