
Li Hesekê di navbera hêzên ewlekariyê û DAIŞ’ê de pevçûn derket 

2022-01-29 15:22:20


	&nbsp;

	NAVENDA NÛÇEYAN – Li Taxa Xiwêran a Hesekê di navbera Hêzên Ewlekariya Hundirîn û şaneyên DAIŞ’ê de pevçûn derket. Hat zanîn ku di pevçûnê de DAIŞ’iyek hatiye kuştin û pevçûn hêj berdewam e.

	&nbsp;

	Hêzên Ewlekariya Hundirîn bi piştgiriya Hêzên Sûriyeya Demokratîk, li Girtîgeha Sînaa û taxên Hesekê operasyona lêgerînê dabû destpêkirin. Li gorî agahiyan, di dema operasyona lêgerînê de, li nêzî Dibistana Fatima El Zehra ya Taxa Xiwêranê di navbera Hêzên Ewlekariya Hundirîn û şaneyeke DAIŞ’ê de pevçûn derket.&nbsp;

	&nbsp;

	Endamên hêzên ewlekariyê diyar kirin ku şaneya DAIŞ’iyan ji 5 kesan pêk tê û di pevçûna heta niha de DAIŞ’iyek hatiye kuştin. Pevçûna di navbera hêzên ewlekariyê û şaneya DAIŞ’ê de hêj berdewam dike.&nbsp;

	&nbsp;

	Li hêla din, operasyona lêgerînê ya Hêzên Ewlekariya Hundirîn û HSD’ê ya li taxên Xiwêran û Zihûrê didome.

	&nbsp;