
Emîne Şenyaşar: Kurê min berdin

2022-01-28 13:18:20


	RIHA - Emîne Şenyaşar a Nobeda xwe ya Edaletê didomîne, xwest ku kurê wê Fadil Şenyaşar ê girtî were berdan.&nbsp;

	Çalakiya Nobeda Edaletê ku malbata Şenyaşar li pêş Edliyeya Rihayê daye destpêkirin di roja 326’an de berdewam dike. Emîne û Ferît Şenyaşar ên li mala xwe ya li navçeya Pirsûsê hatin pêş edliyeyê, wek her roj nobedê li dar xistin.&nbsp;

	&nbsp;

	‘SALEKE EM LI PÊŞ EDLIYEYÊ NE’

	&nbsp;

	Dayik Emîne Şenyaşar a li vir axivî, bi lêv kir ku saleke li pêş edliyeyê daxwaza edaletê dikin. Şenyaşar a xwest kurê wê Fadil Şenyaşar were berdan wiha axivî: “Bila ev zilm êdî xelas be. Çend demsal in em li pêş edliyeyê rûdinin. Dozger bi me re naaxive. Bila êdî kurê min berdin, em jî vegerin mala xwe.”

	&nbsp;

	Şenyaşar, anî ziman ku kesên malbata wî qetilkirin destên xwe dihêjînin û digerin û wiha berdewam kir: “Zivistane em nexweş in. Berî ku ez bimirim dixwazim kurê xwe bibînim. Heke kurê min bernedin heta ku ez dimirim ez ê li pêş edliyeyê bim. Zilmeke mezin kirin, zilmeke wisa nehatiye dîtin. Di nava dikanê de kurê min kuştin.”

	&nbsp;

	BANG LI ERDOGAN KIR

	&nbsp;

	Dayik Şenyaşar bang li Serokkomarê AKP’î Erdogan kir û wiha axivî: “Êdî bes e kurê min berdin. Alîkariya me bikin. Tu dizanî çawa hatin kuştin, li nexweşxaneyê çi kirin dizanî. Zarokên min kuştin, çavên hevjînê min bi demiran derxistin û qetilkirin. Ev zilmeke çawa ye. Ez nexweş im divê emeliyat bibim. Tu sûcê zarokên min nîne. We ew(Îbrahîm Halîl Yildiz) çima kir wekîl. Ev tenê komkujiyan dikin. Tu çima van bedidî.”

	&nbsp;

	&nbsp;

	&nbsp;