
Li Stenbolê çûnehata wesayîtên taybet hat qedexekirin  

2022-01-25 10:07:45


	&nbsp;

	STENBOL - Li Stenbolê ji ber barîna berfê ya zêde derketina trafîkê ya bi wesayîtên taybat heya saet 13.00’an hat qedexekirin.&nbsp;

	&nbsp;

	Barîna berfê ya ku duh nîvro li Stenbolê dest pê kiribû îro jî berdewam dike. Duh gelek navçeyên Stenbolê ji ber barîna berfa zêde rê li çûnehata trafîkê hatibû girtin.&nbsp;

	&nbsp;

	Walîtiya Stenbolê daxuyaniyek nivîskî belav kir û da zanîn ku ji ber girtina riyan dê wesayîtên taybet heya saet 13.00’an nikaribin derbikevin trafîkê. Walitiya Stanbolê di daxuyaniya xwe diyar kir ku 5 hezar welatiyên ku di riyan de mane hatine tehliyekirin, 3 hezar 180 welatî jî li otêl û mêvanxaneyan hatine bicîkirin.

	&nbsp;

	Li aliyê din biryara qedexekirina hatina wesayîtan ji aliyê Anatoliyê û Trakyayê ya ji bo Stenbolê wê îro jî bidome.&nbsp;

	&nbsp;