
Baz Efrîn: QSD amade ku gelê xwe biparêze

2022-01-16 11:41:16


	NAVENDA NÛÇEYAN - Endamê Fermandariya Giştî ya QSD'ê Baz Efrîn, diyar kir ku li dijî êrişên Tirkiyeyê amade ne ku gelan biparêzin. &nbsp;

	&nbsp;

	Endamê Fermandariya Giştî ya Hêzên Sûriyeya Demokratîk (QSD) Baz Efrîn, derbarê êrişên Tirkiyeyê yên li ser Bakur û Rojhilatê Sûriyeyê de ji Ajansa Nûçeyan a Hawarê (ANHA) re axivî û nirxandinan kir. Efrîn, qala êrişên Tirkiyeyê yên li ser Rêya Bejahî ya M4'ê kir û got ku tê xwestin ku rêya herî girîng a herêmê bê birîn. Efrîn, da zanîn ku Tirkiye ji bo têkçûna xwe ya siyasî veşêre operasyonên leşkerî derdixe pêş û wiha got: "Dixwaze gel ji pirsgirêkên aborî dûr bikeve û bala xwe bidin ser şer. Hewl dide êrişê Sûriyeyê bike û ji têkçûnê xelas bibe."

	&nbsp;

	ÊRIŞ VALA DERKETINE

	&nbsp;

	Di berdewamê de Efrîn, bal kişand ser liv û tevgera li xeta eniyê û destnîşan kir ku QSD'ê êrişên Tirkiyeyê vala derxistiye û da zanîn ku komên paramîlîter di êrişên xwe yên li ser Rêya Bejahî ya M4'ê de serneketine û QSD amade ye ku gelên Bakur û Rojhilatê Sûriyeyê ji êrişan biparêze.&nbsp;

	&nbsp;