
Cara 11'emîn ji bo îfadeyê gazî Emîne Şenyaşar kirin

2021-12-21 12:32:58


	&nbsp;

	RIHA - Cara 11'emîn ji bo îfadeyê gazî Emîne Şenyaşar ku li ber Edliyeya Rihayê Nobeta Edaletê digire kirin.&nbsp;

	&nbsp;

	Nobeta Edaletê ya Emîne Şenyaşar û kurê wê Ferît Şenyaşar ku di 9'ê adarê de dabûn destpêkirin di roja 288'an de didome. Di saetên zû yên serê sibehê de Emîne Şenyaşar û kurê xwe Ferît Şenyaşar li "Goşeyê edaletê yê malbata Şenyaşar" ê ber Edliyeya Rihayê dest bi nobeta xwe kirin. Piştî demeke kurt polis hatin cem malbatê û bi hinceta "heqaret li peywirdarê cemaweriyê" kiriye ji bo ku îfadeyê bide dozgeriyê cara 11'emîn Emîne Şenyaşar vexwendin edliyeyê.&nbsp;

	&nbsp;

	Hat hînbûn ku ji ber gotinên wê yên di roja 241'an de ku bi seromê hatibû ber edliyeyê û di roja 245'emîn de ku zêdetirî 100 dayikên aştiyê hatibûn serdana wê Emîne Şenyaşar vexwendine îfadeyê.&nbsp;

	&nbsp;

	DERBASÎ EDLIYEYÊ BÛN&nbsp;

	&nbsp;

	Kurê Emîne Şenyaşar, Ferît Şenyaşar bertek nîşanî vexwendina îfadeyê ya dayika xwe da û got ku wê dayika bersiva "Kê hevjîn û 2 kurên min kuşt" bide hemû pirsên li dozgeriyê jê bên pirsîn. Dayik û kurê xwe ji bo îfade dayînê bi parêzerên xwe re derbasî edliyeyê bûn.&nbsp;

	&nbsp;

	PARVEKIRINA MEDYA SANAL

	&nbsp;

	Malbata Şenyaşar, li ser hesabê xwe yê medya sanal jî Waliyê Rihayê Abduûllah Erîn, Wezîrê Edaletê Abdûlhamît Gul, Serokê Yekitiya Baroyên Tirkiyeyê (TBB) Erînç Sagkan û Parlamenterê AKP'ê yê Rihayê Ahmet Eşref Fakibaba etîket kir û ev parvekirin kir: "Em qerasandina li ber Edliyeya Rihayê tercîhê rûniştina li malê ya di bin zilmê de dikin. Bila ev jî şerma qalkirina hiqûq û edaletê ya li Tirkiyeyê be."&nbsp;

	&nbsp;

	&nbsp;