
Serdana Nobeda Edaletê kirin: Dê ev agir me hemûyan bişewitîne 

2021-12-21 09:19:41


	&nbsp;

	AMED - Welatiyên ku serdana Nobeda Edaletê kirin ji bo berdana girtiyên nexweş bang li raya giştî kirin û gotin: "Yan na dê ev agir me hemûyan bişewitîne."&nbsp;

	&nbsp;

	Li girtîgehan binpikêrinên mafan ên gelekî meizn rû didin. Ji ber tecrîdê, lêgerîna tazî ya li girtiyan tê tedawîkirin, astengkirin tedawîkirinê gelek pirsgirêk rû didin. Di hefteyekê de li girtîgehan 5 jê giran 7 girtî jiyana xwe ji dest dan. Hemû serlêdanên ji bo tedawîkirin û berdana girtiyên nexweş ên rewşa wan giran jî tên redkirin.&nbsp;

	&nbsp;

	Li Amedê çalakiya Nobeda Edaletê ya xizmên girtiyan di roja 36'an de didome. Welatiyên ku serdana Nobeda Edaletê ya li Baroya Amedê kirin, xwestin piştevanî zêdetir bibe û her kes ji bo girityan dengê xwe bilind bike.&nbsp;

	&nbsp;

	‘DIVÊ ÇALAKÎ BIDOMIN'

	&nbsp;

	Guler, diyar kir ku li welêt ji ber zext û zoriyan mirov hatine asteke wisa ku nikarin dengê xw ejî bilind bikin û bal kişand ser çalakiyên ji bo girtiyên nexweş tên kirin. Guler got: "Ez piştgiriya çalakiya dayikan dikim. Divê çalakiyên bi vî rengî zêde bibin. Heya encam bê wergirtin û girtiyên nexweş bên berdan divê ev çalakî bidomin."&nbsp;

	&nbsp;

	BANGAWAZÎ

	&nbsp;

	Guler, diyar kir ku ji bo ji girtîgehan hîn bêtir cenaze dernekevin ev çalakî ji bo wan bûye hêvî û got: "Ev çalakî wê hêviyê li mirov peyda dike ku cenaze ji girtîgehan dernekevin. Ji bo vê jî divê em bibin yek deng û mil bidin milê hev du."&nbsp;

	&nbsp;

	Vahdettîn Kiliç jî ku serdana malbatan kir diyar kir ku Nobeda Edaletê çalakiyeke pr watedar û demokratîk e. Kiliç, diyar kir ku divê ev çalakî bala raya giştî bikişîne û got: "Êş divê tenê kesê wê dikişîne neşewitîne. Dibe ku ev agir rojekê me hemûyan bişewitîne. Pêdiviya me hemûyan bi edaletê heye. Lewma divê her kes dengê xwe bilind bike."&nbsp;

	&nbsp;

	Kiliç, anî ziman ku divê hîn bêtir mirov serdana çalakiyê bikin û got: "Ez dayikên me, xizmên me yên girtiyan pîroz dikim ji ber vê çalakiya birûmet. Divê em bi piştevaniyê tevbigerin û têkoşînê mezintir bikin. Teqez dê ev tevgera wan bi ser bikeve. Ez wisa bawer dikim ku dê gelê Amedê jî piştgiriya çalakiyê bike. Divê gel vî dengî ragihînin rayedaran."&nbsp;