
DÎSK Basin Îş: Em dengê xwe bilind bikin 

2021-12-20 20:40:23


	&nbsp;

	STENBOL – DÎSK BAsin-Îş ku tahdeya rojnamevan Muharrem Sarikaya ya li nûçegihanê ÎHA'yê Ahmet Demîr kiribû şermezar kir got: "Ji niha û pê ve bila kes bêdeng nemîne. Em bi awayekî rêxistinkirî deng derxînin."&nbsp;

	&nbsp;

	DÎSK Basin Îş'ê li Stenbolê li ber vahiya Haber Turkê bi daxuyaniyeke çapemeniyê tahdeya ku rojnamevan Mûharrem Sarikaya li nûçegihanê Ajansa Nûçeyan a Îhalasê (ÎHA) Ahmet Demîr kir şermezar kir. Di daxuyaniyê de pankarta li ser "Em li ber şelmaqa li kedkarê çapemeniyê hatiye xistin bêdeng namînin" nivîsandî hat hilgirtin û dirûşmeyên wekî "Ahmed Demîr ne bi tenê ye" û "Çapemeniya azad bêdeng namîne" hatin berzkirin.&nbsp;

	&nbsp;

	Serokê DÎSK Basin Îş'ê Farûk Eren daxuyanî xwend. Eren, anî ziman ku ev bûyer bûye cihê bertekên mezin û tahdeya li Demîr hatiye kirin bi salan e di çapemeniyê de rû dide.&nbsp;

	&nbsp;

	Eren, destnîşan kir ku ew şelmaqa li Demîr hatiye xistin berdewama pêkanînên îqtidaran e ku hewl dide rojnamevanan bi cezayên girtîgehê û cezayên pereyî bitepisîne û got: "Ev şelmaq nayê efûkirin!"

	&nbsp;

	Eren, di daxuyaniyê de diyar kir ku kesên xwe disipêrin serdestan bi awayekî eşkere tahdeyê li kedkarên çapemeniyê dikin. Eren, bilêv kir ku sedemeke vê jî bêrixtsinbûyîna rojnamevan e û got: "Ji bo em heq ji vê rewşêd erkevin teqez divê rojnamevan li sendîkayan xwe birêxistin bikin."&nbsp;

	&nbsp;

	Eren got: "Ji niha û pê ve bila kes bêdeng nemîne. Em bi awayekî rêxistinkirî deng derxînin."&nbsp;

	&nbsp;

	Daxuyanî bi berzkirina dirûşmeyan bi dawî bû.&nbsp;