
Sedema mirina mehkûmê edlî nehat eşkerekirin  

2021-12-18 16:14:27


	&nbsp;

	RIHA - Sedema mirina Ilyas Demîr ê ji dozek edlî girtîbû û cezayê heta hetayê yê girankirî lê hatibû birîn û duh di hucreyê de jiyana xwe ji dest dabû, nehat diyarkirin.&nbsp;

	&nbsp;

	Ilyas Demîr (32) li Girtîgeha Boluyê di hucreya yek kesî de dihat ragirtin. Cezayê heta hetayê yê girankirî lê hatibû birîn û ew mehkûmek edlî bû. Sedema mirina vî girtiyî di otopsiya pêşîn de nehat eşkerekirin. Otopsiya wî li SazaiyaTiba Edlî ya Enqereyê hat kirin û têkildarî mirina wî “nexweşîna ne şewb e” hat nivîsandin. Malbata girtî ji Rihayê hat Enqereyê û cenazeyê lawê xwe wergirt.&nbsp;

	&nbsp;

	Hat diyarkirin ku hekîmên li Saziya Tiba Edlî dixebitin gotine dibe ku ew di encama krîza dil de miribe û rapora berfireh a otopsiyê dê paşê were eşkerekirin. Malbatê cenaze kontrol kir û dan zanîn ku li ser cenaze şopa lêdanê an jî tiştek din nebûye.&nbsp;

	&nbsp;

	Malbatê cenazeyê lawê xwe bir navenda Rihayê û li Goristana Eyyup Pêxember veşartin.&nbsp;

	&nbsp;