
Cenazeyê Gezerê gihaşt Mêrdînê: Polîsan nehişt wesayîta şaredariyê cenaze bibe 

2021-12-10 17:42:38


	&nbsp;

	MÊRDÎN - Malbatê cenazeyê Garîbe Gezerê anî Mêrdînê. Polîsan nehişt wesayîta cenazeyan a şaredariyê cenaze bibe Kerboranê. Malbatê wesayîteke cenazeyan a taybet kirê kir û ber bi Kerboranê ve ket rê.&nbsp;

	&nbsp;

	Cenazeyê Garîbe Gezer a li Girtîgeha Kandira ya Jimare 1 a Tîpa F'yê bi awayekî sîstematîk hat îşkencekirin û tecawizî wê hat kirin û duh danê nîvro bi awayekî guman jiyana xwe ji dest da, gihaşt Mêrdînê. Dihat payin ku cenaze bi wesayîta Şaredariya Bajarê Mezin a Mêrdînê ya qeyûm tayinî wê hatiye kirin bihata birin, lê polîsan pêşiya wesayîtê birî. Polîsên ku wesayîta cenaze dan sekinandin, bi ajovan re axivîn. Piştî axaftinê wesayît cenaze hilnegirt û vfegeriya. Polîsan ji malbatê re got, "Bi derfetên xwe bibin."&nbsp;

	&nbsp;

	Piştî vê wesayîteke taybet hat kirêkirin. Cenazeyê ji Stenbolê bi balafirê hat Balafirgeha Mêrdînê, ji hêla malbata Gezerê, xizmên wê, Hevseroka Giştî ya DBP'ê Salîha Aydenîz, Parlementera HDP'ê Dersim Dag û rêvebirên HDP'î ve bi tilîliyan hat pêşwazîkirin.

	&nbsp;

	Cenaze bi konveyekê ber bi navenda Kerboranê ve hat şandin. Dê cenazeyê Garîbe Gezerê li cem gora birayê wê Bîlal Gezerê di çalakiyên 6-8'ê Cotmehê yên Kobanê de jiyana xwe ji dest da bê definkirin.&nbsp;