Cezayê hepsê li rojnamevan Koçuk hat birîn

2021-12-08 12:53:14


	 

	AMED - Rojnamevan Gulşen Koçuk di doza ku bi hinceta parvekirinên xwe yên li ser medya dîjîtal bi sûcdariya "Propagandaya rêxistinê kiriye" dihat darizandin, salek û 10 meh û 15 roj cezayê hepsê lê hat birîn.

	 

	Derbarê edîtora JinNewsê Gulşen Koçuk de bi hinceta "Propagandaya rêxistinê kiriye" doz hatibû vekirin. Danişîna yekemîn a dozê li 9'emîn Dadgeha Cezayê Giran a Amedê hat lidarxistin. Koçuk û parêzer  Resûl Tamur di danişînê de amade bûn.

	 

	Koçuk ji ber parvekirinên medya dijîtal a di sala 2016'an hat darizandin. Koçuk di danişînê de îdiayên li ser xwe red kir. 

	 

	Parêzer Resûl Tamur jî îdiayên ku hatine kirin red kir û da zanîn ku parvekirinên ku miwekîla wî kirine di çarçoveya azadiya fikr û ramanê de kiriye û şîdetê teşwîq nake, ji ber vê yekê jî xwest miwekîla wî were beraetkirin.

	 

	Şandeya dadgehê bi hinceta "Propagandaya rêxistinê kiriye" salek û 10 meh û 15 roj cezayê hepsê li Koçuk birî.