
Kepolû ya AKP'î ji bo Erdogan pîsta taybet da çêkirin

2021-12-08 10:26:51


	&nbsp;

	AMED - Ji bo serdana Serokkomar Tayyîp Erdogan ji aliyê şaredariyê ve li peşiya mala Sûna Kepolû Ataman a AKP'î pîsta helîkopterê hat çêkirin. Erdogan qet neçû gund.&nbsp;

	&nbsp;

	Hat hînbûn ku Serokkomar Recep Tayyîp Erdogan dema serdana xwe ya Êlihê ya di 6'ê mijdarê de plana ziyareteke taybet kiriye. Endama MKYK'a Baskê Jinan a Navenda Giştî ya AKP'ê Sûna Kepolû Ataman, xwestiye Erdogan û hevjîna wî Emîne Erdogan li gundê xwe Sora yê navçeya Farqînê ya Amedê bike mêvan. Vê daxwaza Kepolû ji aliyê Erdoganan ve çend roja beriya serdana Êlihê hatiye qebûlkirin û ji bo pêşwazîkirina wan Kepoglû bi derfetên Şaredariya Bajarê Mezin a Amedê li gund xwe dest bi amadekariyan kiriye.&nbsp;

	&nbsp;

	QEYÛM SEFERBER BÛYE

	&nbsp;

	Tê angaştkirin ku di çarçoveya amadekariyan de şaredariyê beriya serdanê, li gundê Sora li pêşiya mala Kepolû pîsteke taybet a helîkopterê ji bo Erdogan çêkiriye. Hat diyarkirin ku piştî xebatên 10 rojan pîsta li gund hatiye temamkirin û rêya di navbera mala Kepolû pîstê de hatiye asfaltkirin. Li gorî angaştan, lêçûna çêkirina pîstê ji budçeya şaredariyê hatiye pêşwazîkirin. Lê ji ber ku bi hev neketiye û dema Erdogan çênebûye serdana ku bi budçeya şaredariyê amadekariyên wê hatine kirin pêk nehatiye û ji bo serdana Erdogan a Sêrtê hatiye taloqkirin.&nbsp;

	&nbsp;

	DÎSA SERDAN PÊK NEHAT

	&nbsp;

	Serdana ku ji bo piştî bernameya Erdogan a Sêrtê ya di 4'ê kanûnê de hatibû taloqkirin vê rojê jî ji ber ku dema Erdogan çênebû dîsa pêk nehat.&nbsp;

	&nbsp;

	TERKÎ RIZANDINÊ HATIYE KIRIN

	&nbsp;

	Pîsta ku ji aliyê Şaredariya Bajarê Mezin a Amedê ve bi hezaran TL pere lê hatin xerckirin û bi rojan cendirmeyan nobeta wê hat girtin piştî ku Erdogan lê pêya nebû terkî rizandinê hat kirin.&nbsp;

	&nbsp;