
Miduriyeta polîsan vegeriya salên 90’î: Pirtûk û kefiyên rengîn bûn “belgeyên rêxistinî” 

2021-11-27 14:23:00


	&nbsp;

	MANÎSA - Miduriyeta Polîsan a Manîsayê, kefiyên kesk, sor û zer û pirtûkên ku derbarê wan de biryara komkirinê ên di serdegirtinên malên HDP’iyan dest danîne ser, weke “belgeyên rêxistinî” servîs kirin.&nbsp;

	&nbsp;

	Polîsan duh li navçeyên Tûrgûtlû û Sarûhan ên Manîsayê û navenda wê 9 endamên HDP’ê bi serdegirtina malan de binçav kiribûn. Tevlîbûna wan a pîrozbahiyên Newroza 2018’an û parvekirinên wan ên medya dîjîtal weke “propagandaya rêxistinê” hatin nîşandan. Fırat Erol, Hediye Er û Mahîde Dogan ên hatibûn binçavkirin û piştî kirariyan sewqî dozgeriyê hatibûn kirin, hatin berdan. Ji bo dosyayên 6 kesên di bin çavan de biryara nepen hat dayîn û hat diyarkirin wê îfadeya her şeş kesan roja duşemê were girtin.&nbsp;

	&nbsp;

	KEFÎ, PIRTÛK Û SAET SÛC HATIN HESIBANDIN

	&nbsp;

	Walitiya Manîsayê û Miduriyeta Polîsan a Bajêr têkildarî binçavkirinan de daxuyanî da û bi gotina “Belgeyên bi naveroka rêxistinî hatine desteserkirin” wêne servîs kirin. Di wêneyî de&nbsp;

	Manisa Valiliği ve İl Emniyet Müdürlüğü ise gözaltı operasyonuna ilişkin yaptığı açıklamada, "örgütsel içerikli dokümanlar ele geçirildi" diyerek bir fotoğraf servis etti. &nbsp;Di wêneyî de kefiyên kesk, sor û zer ên li ser maseyekê, saeteke ku wêneyên Hevserokên Giştî yên HDP’ê yên berê Fîgen Yuksekdag û Selahattîn Demîrtaş û zarokên hatine qetilkirin Ugûr Kaymaz û Ceylan Onkol tê de cih digire, demançeyek û 7 pirtûk weke “belgeyên rêxistinî” hatin servîskirin.&nbsp;

	&nbsp;

	Di nav pirtûkan de pirtûkên Leylan, Seher û Devran ên ku Selahattîn Demîrtaş nivîsandî ne û derbarê wan de tu biryara komkirinê nînin jî hene. Derket holê ku demançeya weke “Bêruhset” hatiye servîskirin jî ya bapîrê Mahîde Dogan a hatibû binçavkirin û berdan, Nûrî Dogan e. Nûrû Dogan ê 67 salî ku xwediyê demançeyê ye serê vê sibê çû Miduriyeta Polîsan a Sarûhanê û îfade da ku demançe ji wî re ji bapîrê wî maye.

	&nbsp;

	Li aliyê din miduriyeta polîsan, walitî û medyaya sereke endamên HDP’ê yên hatin binçavkirin weke endamên “PKK’ê û KCK’ê” nîşan dan.&nbsp;

	&nbsp;

	&nbsp;