ROJEVA 23'YÊ MIJDARA 2021'Ê 

2021-11-23 09:00:15


	* Jinên bi teştên hevîr û tenekeyên rûn ên vala çalakiyê li dar dixin û balê dikişînin ser krîza aborî, anîn ziman ku sedema hilweşîna aboriyê polîtîkayên şer ên AKP-MHP'ê ne. 

	* Rêvebirê Komeleya Nivîskarên Mezopotamyayê Bahadîn Robar, bal kişand ser astengiyên li ber ziman û çanda kurdî û got: "Divê em ji her wextî bêtir xwedî li zimanê xwe derkevin." 

	 

	* Endamê Dîplomasiya RJAK'ê Necbîr Efrîn diyar kir ku li herêmê piştî bikaranîna çekên kîmyewî hejmara kesên serî li nexweşxaneyan didin pir zêde bûye û got: "Li herêmê gelek nexweşiyên cur bi cur peyda bûne û zêde dibin. Ev nexweşiyên ku rû didin û rewşa heyî bi tu awayî bi raya giştî re nayên parvekirin." 

	 

	* Zimanzan Samî Tan bal kişand ser zabitnameyên Meclîsê ku di wan de kurdî wekî "X" tê tomarkirin û bertek nîşan da. Tan, destnîşan kir ku înkarkirin bi ferzkirina sonda tirkî ya li parlementerên kurd ên bi dengê bi milyonan kurdî hatine hilbijartinê dest pê kiriye. 

	 

	* Li Amedê malbatên ku ji bo girtiyên nexweş û girtiyên ku cezayên wan qediyane û nayên berdan "Nobeda Edaletê" dan destpêkirin, destnîşan kirin ku "heya ev bêedaletî bi dawî nebe" dê çalakiya wan bidome. 

	 

	* Endama Komîsyona Girtîgehan a ÎHD'ê Hatîce Onaran, destnîşan kir ku girtiyên jin bi pêkanînên derî mirovahiyê re rû bi rû dimînin û got: "Li dijî pêkanînên dijminane têdikoşin. A dikeve ser milê me jî, em wan bi tenê nehêlin."

	 

	* Li Girtîgeha Sîlîvriyê li 60 girtiyên ku ferzkirina nasnameya girtîgehê qebûl nakin û ji ber vê meheke hevdîtinê red dikin, ceza hat birîn. 

	 

	* Çalakiya Nobeta Edaletê ya malbata Şenyaşar di roja 260’emîn de berdewam dike. 

	 

	* Danişîna doza polîs Selahattîn Korkmaz ê tê darizandin ku di sala 2013’an de bi wesayîta zirxî li Şahîn Oner da û ew kuşt dê li 1’emîn Dadgeha Cezayê Giran a Amedê were dîtin. (10.00)

	 

	* Komîsyona Parêzerên Stajyer ên Xwendekar a Şaxa OHD’a Stenbolê wê bi serenavê “Li bajarên kurdan zarok bi şer, bermahiyên şer û zarokên ji aliyê hêzên ewlehiyê ve hatine kuştin û birîndarkirin” wê bi awayekî online panelekê li dar bixin. (10.00)

	 

	* Danişîna doza 22 rojnamegerên ku tên darizandin dê li 5’emîn Dadgeha Cezaya Asliye ya Stenbolê ya li Çaglayanê pêk bê. (10.00) 

	 

	* Danişîna 23’yemîn a “Doza Çapemeniyê ya KCK’ê” wê li 3’yemîn Dadgeha Cezayê Giran a Stenbolê pêk were. (10.10)

	 

	* Wê HDP li Meclîsê komcivîna xwe li dar bixe. (12.45)

	 

	* Nobeta Edaletê ya malbatên girtiyên nexweş û girtiyên ku înfazên wan hatine şewitandin a li Baroya Amedê di roja 7’emîn de berdewam dike. (13.00-16.00)

	 

	* Di çarçoveya 25’ê Mijdarê Roja Têkoşîna Navnetewî ya Li Dijî Tundiya Li Ser Jinan de wê li gelek navendan daxuyanî bên dayîn. (12.00-19.00)