
Dest danîn ser kember û pêlava girtiyê di greva birçîbûnê de ye  

2021-11-16 16:38:55


	&nbsp;

	AMED - Gardiyanan avêt ser qawîşa Mehmet Işiktaş ku lê tê girtinê û di greva birçîbûnê de ye. Di serdegirtina qawîşê de dest danîn ser pêlav û kembera Işiktaş.&nbsp;

	&nbsp;

	Greva birçîbûnê ya Mehmet Işiktaş ê ji Girtîgeha Amedê ya Tîpa D, sewqî Girtîgeha Eregkliya Konyayê ya Tîpa T ku bi hinceta "ewlehiyê" hatibû kirin, dest bi greva birçîbûnê kiribû. Çalakiya Işiktaş di roja 9'emîn de berdewam dike.

	&nbsp;

	Işiktaş di pêwendiya telefonî ya ku bi malbata xwe re kir de diyar kir ku çalakiya wî protestoyî hê jî didome û bi midûrê girtîgehê re hevdîtin kiriye lê daxwaza wî nehatiye qebûlkirin. Işiktaş anî ziman ku piştî hevdîtina bi midûrê girtîgehê re bi qasî 5 deqeyan şûn ve avêtine ser odeya wî û got: “Di dema serdegirtinê de betaniya min a şexsî, kembera pantolon û pêlavên min ên di odeyê de hebûn jî destesr kirin û birin. Dema min li kember û pêlava xwe pirsî, bersiva 'tu yê întîhar bikî' dan min. Tiştên li odeyê belav kirin û çûn."

	&nbsp;

	Işiktaş da zanîn ku heta daxwazên wî werin qebûlkirin wê çalakiya xwe ya greva birçîbûnê bidomîne.&nbsp;

	&nbsp;

	&nbsp;

	&nbsp;