ROJEVA 9'Ê MIJDARA  2021'AN

2021-11-09 09:00:26


	* Tirkiye di operasyonên li Metîna, Avaşîn û Zapê de çekên kîmyewî yên wekî sûcê şer tên hesibandin bi kar tîne. Dane û belgeyên ji cenazeyên HPG'iyan û cihên bûyerê hatin bidestxistin, ji rêxistinên civaka sivîl ên navneteweyî, DYA û welatên endamên YE'yê re hatin şandin.

	* Dayikên Aştiyê anîn ziman ku çavkaniya pirsgirêkên li Tirkiyeyê rû didin tecrîda li Îmraliyê ye û bang kirin: "Kurd, divê bibin yek li hemberî bêdengiya hêzên navdewletî." 

	 

	* Cotkarên ku di meha Adarê de firingî çandin, ji ber ku piştî çandiniyê lêçûn zêde bûn û li ser hev di fuyet biha bûn, ji bêgavî firingiyên xwe di nav erd de hiştin. 

	 

	* Hat diyarkirin ku Haydar Alî Ak ê ku bi îşkence û tahdeya xwe ya li girtîgehên Tekirdag û Edîrneyê tê naskirin, piştî wekî midûr tayinî Girtîgeha Kiriklarê hatiye kirin, çewisandinên li girtîgehê zêde bûne. 

	 

	* Encama DNA'ya ji bo cenazeyê Seyîthan Acay 8 meh berê diyar bûye, lê 467 roj in bi îdiaya "rapor derneketiye" cenazeyê wî radestî malbatê nayê kirin. Dayik Rûkiye Acay, got: "Tiliyek wî jî mabe, ez ê rahêlim cenazeyê wî." 

	 

	* Cizîrîyan destnîşan kirin ku sedema krîza aborî polîtîkayên şer ên hikûmetê ne û ji ber krîzê nikarin debara xwe bikin.

	 

	* 19 HDP'iyên ku giliyê Notera 4'an a Osmaniyeyê kiribûn, dozgeriyê derbarê giliya wan de biryara neşopandinê da. HDP'iyan bi hinceta ku noterê agahiyên wan ên şexsî dane polîsan, giliyê wê kirine. 

	 

	* Nobeta Edaletê ya malbata Şenyaşar di roja 246'an de didome. 

	 

	* Rûniştina duyemîn a 6'emîn danişîna Doza Kobanê li Kampûsa Girtîgeha Sîncanê bê dîtin. (10.00-17.00)

	 

	* Danişîna Doza Rojnameger Ayşe Kara ku bi angaşta "endamtiya rêxistinê" tê darizandin li 5'emîn Dadgeha Cezaya Giran a Amedê bê dîtin. (10.00-17.00)

	 

	* Danişîna polisê ku di sala 2013'an li Amedê bi maşîneya zirxî bû sedema mirina zarok Şahîn Oner wê li 1'emîn Dadgeha Cezaya Giran a Amedê bê dîtin. (10.00-17.00)

	 

	* Danişîna polis Kazim B. ku Recep Hantaş kuştibû wê li 7'emîn Dadgeha Cezaya Giran a Amedê bê dîtin. (10.00-17.00)

	 

	* HDP komcivîna xwe li dar bixe. (12.45)

	 

	* Danişîna doza ku edîtora Ajansa Nûçeyan a Etkîn (ETHA) Semîha Şahîn û nûçegihana wê Pinar Gayîp di nav de derbarê 4 kesan de hatiye vekirin dê li 23’yemîn Dadgeha Cezayê Giran a Stenbolê bê dîtin. (10.45) 

	 

	* Doza danişîna rojnameger Sadiye Eser jî di nav de ku derbarê 34 kesan de bi îdîaya “endamtiya rêxistinê” hatiye vekirin dê li 6'emîn Dadgeha Cezayê Giran a Stenbolê pêk bê. (11.00) 

	 

	* Şaxa ÎHD’ê ya Mêrsînê rapora xwe ya ku derbarê girtîgehan de amadekiriye dê aşkera bike. (12.30)

	 

	* SES, rapora xwe ya têkildarî bûtçeya sala 2022’yan a Wezareta Xizmetên Civakî û Malbatê, amade kiriye dê li navenda xwe ya giştî bi civîneke çapemeniyê ragihîne. (12.30)

	 

	* Hevserokê KCD’ê Berdan Ozturk û Hevseroka DBP’ê keskîn Bayindir wê beşdarî civîna gel a li navçeya Depa Xarpêtê bibin. (13.00) 

	 

	* Rêxistina HDP’ê ya Amedê têkildarî operasyonên siyasî û êrîşa molotofan a li dijî avahiya navçeya wê ya Peyasê, dê li avahiya navçeyê civîneke çapemeniyê li dar bixe. (13.00)