
Aygul Dokû bang li Wezîrê Dadê kir 

2021-10-15 11:55:16


	&nbsp;

	DERSIM - Xwişka Gulistan Dokû, Aygul Dokû, bang li Wezîrê Dadê kir û got: "We Gulistan nedît û Zaynal Abarakov ne darizand."

	&nbsp;

	Xwişka xwendekara Zanîngeha Mûnzûrê Gulistan Dokû ku ji 5’ê Çileya 2020’an ve li Dersimê winda bûye û tu agahî jê nayê girtin Aygul Dokû, li ser hesabê xwe yê medya dijîtal bang li Wezîrê Dadê Abdulhamît Gul kir.&nbsp;

	&nbsp;

	Dokû, diyar kir ku li Dersima ku her derê wê bi kamerayan tê şopandin, ev demek dirêje ew ji xwişka xwe Gulistanê agahî nagirin û ev bang li Wezîr Gul kir: “Nedîtina Gulîstanê ne edalete. Nedarizandina kesên Gulîstan derb kirin, ne edalete. Edalet ne ew e ku hûn ji malbata keça xwe winda kiriye re bêjin 'bawer bikin keça we winda bû û ez we didarizînim.' We Gulistan nedît, we Zaynal Abarakov ne darizand û bi ser de jî hûn vê malbatê di darizînin. Hûnê bi şev çawan ji zarokên xwe re bêjin ku we Gulîstan di tariyê de hişt, we ev malbat darizand û gumanbarên ku Gulîstan birin ne darizandin? Gelo hûn dikarin vê reva bikin?"

	&nbsp;