
Li Girtîgeha Şakranê zext li girtiyan tê kirin: Girtiyan xistine depoyê  

2021-10-09 15:22:55


	&nbsp;

	ÎZMÎR - Girtiyên li Girtîgeha Şakranê ya Tîpa Te û ya Jinan gardiyanan bi ser qawîşan de girt û xwestine ku girtiyên edlî li qawîşên girtiyên siyasî bicih bikin. Hat zanîn ku jinên girtî yên li dijî wê sepanê derketine, xistine depoyek bêlembe.&nbsp;

	&nbsp;

	Gardiyanan şeva 7’ê cotmehê bi ser qawîşên girtiyên siyasî yên Girtîgeha Şakrana Îzmîrê ya Tîpa T û ya Jinan de girtin e. Gardiyanan ji girtiyan re got ‘ferman ji jor hatiye” û xwestine girtiyên edlî li qawîşên girtiyên siyasî bicih bikin.&nbsp;

	&nbsp;

	DEST DANÎNE SER KELÛPELÊN GIRTIYAN&nbsp;

	&nbsp;

	Girtiyan bi riya telefonê agahî dan malbatên xwe û diyar kirin ku zext û êrişên li ser wan zêde bûne. Girtiyan destnîşan kir ku gardiyanan dest danîne ser materyalên wan, amûrkên wan muzîkê û ew jî li dijî tundiya gardiyanan derketine.&nbsp;

	&nbsp;

	JINÊN GIRTÎ XISTINE DEPOYÊ&nbsp;

	&nbsp;

	Li Girtîgeha Jinan jî sepanek bi heman rengî pêk hat. Jin li dijî zextên gardiyanan derketin. Hat zanîn ku jinên nerazîbûn nîşan dane, wan xistine cihek mîna depoyê ku bêlembe ye.&nbsp;

	&nbsp;

	MALBAT BI FIKR IN&nbsp;

	&nbsp;

	Xizmên girtiyan anîn ziman ku ew ji ber wan êriş û zextên li zarokên wan tên kirin bi fikar in û ew dixwazin derbarê qewimandinên li girtîgehê agahî bigirin û banga hestiyariyê li rayedar û raya giştî kirin.&nbsp;

	&nbsp;