
Derbarê du parêzerên piştevaniya Malbata Şenyaşar kirine de gilî hatiye kirin  

2021-10-05 12:27:01


	RIIHA - Hat zanîn ku derbarê du parêzerên beşdarî Nobeta Edaletê ya Malbata Şenyaşar a roja 200’emîn bûne gilî hatiye kirin.&nbsp;

	Çalakiya Nobeta Edaletê ya Malbata Şenyaşar di roja 211’emîn de li ber Edliyeya Rihayê berdewam dike. Îro ji parêzerên malbatê, Ahmet Atiş beşdarî nobeta malbatê bû.&nbsp;

	&nbsp;

	PANKART JÎ BINÇAV KIRIN E!&nbsp;

	&nbsp;

	Di nobeta edaletê de polîsan pankartê malbatê desteser kiribû. Tevî ku ewqas dem bi ser re derbas bû jî pankart li malbatê nehat zivirandin û hat zanîn ku dozgeriyê derbarê pankart de biryara binçavkirinê derxistiye. Ferît Şenayşar û ji parêzerên malbatê Ahmet Atiş duh çûh serî li dozgeriyê dan ku pankart werbigirin. Lê pankart nedan malbatê.

	&nbsp;

	‘DERBARÊ DU PARÊZERAN DE LÊPIRSÎN HATIYE DESTPÊKIRIN’&nbsp;

	&nbsp;

	Parêzer Ahmet Atiş anî ziman ku ji roja malbatê dest bi Nobeta Edaletê kiriye vir ve bi astengiyên cûrbicûr re rûbirû dimînin û got: “Tevî astengiyan jî çalakiyê 7 meh li pey xwe hişt. Di roja 200’emîn a çalakiyê de polîsan pankart desteser kiribû. Duh me dîsa serî li dozgeriyê da. Rayedaran ji me re gotin ku lêkolîn li ser pankartê didome û li dosyeyek lêpirsînê de ye. Pişt re me bi dozgerê dozê re hevdîtin pêk anî. Em hîn bûn ku derbarê hevpîşeyên me Bulent Duran û Serdar Tum ku roja 200’emîn piştevaniya çalakiyê kiribûn de ji ber vê piştevaniyê gilî hatiye kirin.”

	&nbsp;

	‘BILA QANÛN WERIN SEPANDIN’&nbsp;

	&nbsp;

	Atiş destnîşan kir ku pankart ne sûc e û ev pankart bi awayek kêfî nadin malbatê. Atiş anî ziman ku heke qanûnên heyî werin sepandin wê lêgerîna malbatê ya edaletê bi dawî bibe û xwest li tavilê qanûn werin sepandin.&nbsp;

	&nbsp;